IND vs ENG: ఎట్టకేలకు లక్కీ ఛాన్స్ పట్టేసిన దేశవాళీ సెన్సేషన్.. కట్చేస్తే.. యూనివర్స్ బాస్ నుంచి స్పెషల్ మెసేజ్..
Team India: చాలా కాలంగా దేశవాళీ క్రికెట్లో జట్టుకు మంచి ప్రదర్శన చేస్తున్నాడు. దేశవాళీ క్రికెట్లో ఎన్నో భారీ ఇన్నింగ్స్లు ఆడాడు. అతని అద్భుతమైన ఆటతీరు చూసి అతడిని జట్టులోకి తీసుకోవాలనే డిమాండ్ వచ్చింది. సర్ఫరాజ్ ఖాన్ ఫస్ట్ క్లాస్ క్రికెట్ కెరీర్ను పరిశీలిస్తే, అతను 45 మ్యాచ్లు ఆడాడు. అందులో అతను 66 ఇన్నింగ్స్లలో 3912 పరుగులు చేశాడు. ఈ కాలంలో అతను 14 సెంచరీలు, 11 అర్ధ సెంచరీలు చేశాడు.
Sarfaraz Khan: ఇంగ్లండ్తో జరుగుతున్న ఐదు టెస్టు మ్యాచ్ల సిరీస్లో భాగంగా రెండో టెస్టుకు ముందు భారత క్రికెట్ జట్టు (Indian Cricket Team)కు భారీ షాక్ తగిలింది. అందులో ఒకటి ఘోర పరాజయం కాగా, మరొకటి కీలక ఆటగాళ్లు దూరమవ్వడం. గాయం కారణంగా భారత జట్టు స్టార్ ఆల్రౌండర్లు రవీంద్ర జడేజా(Ravindra Jadeja), కేఎల్ రాహుల్(KL Rahul)లు దూరమయ్యారు. అతని స్థానంలో స్టార్ యువ బ్యాట్స్మెన్ సర్ఫరాజ్ ఖాన్(Sarfaraz Khan) రెండో టెస్టులో టీమిండియాలో చోటు దక్కించుకున్నాడు. భారత జట్టు నుంచి సర్ఫరాజ్ ఖాన్ పిలుపుపై పలువురు క్రికెట్ దిగ్గజాలు సంతోషం వ్యక్తం చేశారు. ఈ జాబితాలోకి వెస్టిండీస్ మాజీ దిగ్గజం క్రిస్ గేల్(Chris Gayle) పేరు కూడా చేరింది.
వెస్టిండీస్ మాజీ బ్యాట్స్మెన్ క్రిస్ గేల్ తన అధికారిక ఇన్స్టాగ్రామ్ ఖాతా నుంచి ఒక కథనాన్ని పంచుకున్నాడు. ఈమేరకు అతను సర్ఫరాజ్ ఖాన్తో కలిసి ఉన్న ఫొటోను పంచుకున్నాడు. ఈ ఫొటోతోపాటు, అతను సర్ఫరాజ్ ఖాన్కు ప్రత్యేక సందేశాన్ని కూడా అందించాడు. వెళ్లి అద్భుతాలు చేయండి అంటూ క్రిస్ గేల్ రాసుకొచ్చాడు. క్రిస్ గేల్ సర్ఫరాజ్ ఖాన్ను అభినందించడాన్ని అభిమానులు చాలా ఇష్టపడుతున్నారు. గేల్ ఈ పద్ధతిని అభిమానులు ఎంతగానో కొనియాడుతున్నారు. క్రిస్ గేల్ కూడా సర్ఫరాజ్ ఖాన్తో కలిసి ఐపీఎల్లో ఆడాడు.
ఇండియన్ ప్రీమియర్ లీగ్లో రాయల్ ఛాలెంజర్స్ బెంగళూరు తరపున ఇద్దరూ కలిసి ఆడారు. క్రిస్ గేల్ కంటే ముందు, భారత జట్టు స్టార్ బ్యాట్స్మెన్ సూర్యకుమార్ యాదవ్ కూడా భారత టెస్ట్ జట్టుకు ఎంపికైన తర్వాత సర్ఫరాజ్ ఖాన్ను అభినందించారు. సూర్య కూడా తన అధికారిక ఇన్స్టాగ్రామ్ ఖాతా నుంచి ఓ స్టోరీని పంచుకోవడం ద్వారా అతనికి అభినందనలు తెలిపారు. శుభాకాంక్షలు తెలుపుతూనే పండుగకు సిద్ధం కావాలంటూ సూర్య చెప్పుకొచ్చాడు.
Chris Gayle congratulates Sarfaraz Khan for the maiden India call. 🇮🇳 pic.twitter.com/RfwDsCMEiC
— Johns. (@CricCrazyJohns) January 30, 2024
సర్ఫరాజ్ ఖాన్ చాలా కాలంగా దేశవాళీ క్రికెట్లో జట్టుకు మంచి ప్రదర్శన చేస్తున్నాడు. దేశవాళీ క్రికెట్లో ఎన్నో భారీ ఇన్నింగ్స్లు ఆడాడు. అతని అద్భుతమైన ఆటతీరు చూసి అతడిని జట్టులోకి తీసుకోవాలనే డిమాండ్ వచ్చింది. సర్ఫరాజ్ ఖాన్ ఫస్ట్ క్లాస్ క్రికెట్ కెరీర్ను పరిశీలిస్తే, అతను 45 మ్యాచ్లు ఆడాడు. అందులో అతను 66 ఇన్నింగ్స్లలో 3912 పరుగులు చేశాడు. ఈ కాలంలో అతను 14 సెంచరీలు, 11 అర్ధ సెంచరీలు చేశాడు.
మరిన్ని క్రీడా వార్తల కోసం ఇక్కడ క్లిక్ చేయండి..