Hardik Pandya Ban: పంజాబ్ కింగ్స్‌పై ఘన విజయం.. కట్‌చేస్తే.. హార్దిక్‌పై భారీ చర్యలకు సిద్ధమైన బీసీసీఐ.. ఎందుకంటే?

Hardik Pandya Ban: ముంబై ఇండియన్స్, పంజాబ్ కింగ్స్ మధ్య జరిగిన మ్యాచ్ తర్వాత హార్దిక్ పాండ్యాపై బీసీసీఐ భారీ చర్య తీసుకుంది. ముంబై ఇండియన్స్ కెప్టెన్‌కు బోర్డు కఠినమైన శిక్ష విధించింది. ఆ తర్వాత ఇప్పుడు పాండ్యాపై నిషేధం ముప్పు పొంచి ఉంది. ముంబై ఇండియన్స్ కెప్టెన్ ఐపీఎల్ ప్రవర్తనా నియమావళిని ఉల్లంఘించినందుకు దోషిగా తేల్చాడు. ఐపీఎల్ 2024లో పంజాబ్‌తో జరిగిన 33వ మ్యాచ్‌లో స్లో ఓవర్ రేట్ కారణంగా పాండ్యాకు రూ.12 లక్షల జరిమానా విధించింది.

బీసీసీఐ పత్రికా ప్రకటన..

పంజాబ్ కింగ్స్‌తో జరిగిన మ్యాచ్‌లో ముంబై ఇండియన్స్ జట్టు స్లో ఓవర్‌రేట్‌ను కొనసాగించినందుకు ముంబై ఇండియన్స్ కెప్టెన్ హార్దిక్ పాండ్యాపై జరిమానా విధించారు. ముంబై ఇండియన్స్ స్లో ఓవర్ రేట్ ఈ సీజన్‌లో మొదటి తప్పుగా మారింది.

ఈ సీజన్‌లో ముంబై జట్టు ఇదే తప్పును పునరావృతం చేస్తే, మొత్తం జట్టుకు జరిమానాతో పాటు, కెప్టెన్‌పై కూడా ఒక మ్యాచ్ నిషేధం విధించే అవకాశం ఉంది. అయితే పంజాబ్‌తో జరిగిన మ్యాచ్‌లో కూడా ముంబై స్లో ఓవర్ రేట్ కారణంగా శిక్షకు గురైంది. చివరి రెండు ఓవర్లలో, ముంబై జట్టు ఐదుగురు ఫీల్డర్లకు బదులుగా నలుగురు ఫీల్డర్లను మాత్రమే ఇన్నర్ రింగ్ వెలుపల ఉంచగలిగింది.

ఇవి కూడా చదవండి

లోక్‌సభ ఎన్నికల బరిలో ఇందిరాగాంధీ హంతకుడి కుమారుడు..!

'ప్చ్‌.. ఇదేం డ్రెస్సింగ్‌..' రిషి సునాక్‌పై నెటిజన్ల ఫైర్

రూ.లక్ష కోట్ల బ్యాంక్‌ స్కాం.. ప్రముఖ మహిళా వ్యాపారికి ఉరి శిక్ష

సికింద్రాబాద్‌ నుంచి వేసవి స్పెషల్‌ ట్రైన్స్‌.. ఫుల్ లిస్ట్ ఇదే

ముంబై ఘన విజయం..

ఐపీఎల్ 2024 సీజన్‌లో హార్దిక్ పాండ్యా సారథ్యంలోని ముంబై ఇండియన్స్ మరోసారి విన్నింగ్ ట్రాక్‌లోకి వచ్చింది. చెన్నై చేతిలో ఓడిపోయిన ముంబై 9 పరుగుల తేడాతో పంజాబ్ చేతిలో పరాజయం చవిచూసింది. అయితే, 193 పరుగుల ఛేదనలో 14 పరుగులకే 4 వికెట్లు పడగొట్టిన ముంబై బౌలర్లకు అశుతోష్ శర్మ తన బ్యాట్‌తో 28 బంతుల్లో 7 సిక్సర్లు, రెండు ఫోర్లతో 61 పరుగులు చేసి, పంజాబ్‌ను విజయపథంలో నడిపించలేకపోయాడు. అతని జట్టు 183 పరుగులు మాత్రమే చేయగలిగింది. ముంబై తరపున జస్ప్రీత్ బుమ్రా, గెరాల్డ్ కోయెట్జీలు చెరో మూడు వికెట్లు తీశారు. ఈ విధంగా ముంబై జట్టు ఏడో మ్యాచ్‌లో మూడో విజయాన్ని రుచి చూడగా, పంజాబ్ ఐదో ఓటమిని చవిచూడాల్సి వచ్చింది.

ఇరు జట్లు:

పంజాబ్ కింగ్స్ (ప్లేయింగ్ XI): రిలీ రోసౌవ్, ప్రభ్‌సిమ్రాన్ సింగ్, సామ్ కర్రాన్(కెప్టెన్), జితేష్ శర్మ(కీపర్), లియామ్ లివింగ్‌స్టోన్, శశాంక్ సింగ్, అశుతోష్ శర్మ, హర్‌ప్రీత్ బ్రార్, హర్షల్ పటేల్, కగిసో రబాడ, అర్ష్‌దీప్ సింగ్.

ముంబై ఇండియన్స్ (ప్లేయింగ్ XI): రోహిత్ శర్మ, ఇషాన్ కిషన్(కీపర్), సూర్యకుమార్ యాదవ్, తిలక్ వర్మ, హార్దిక్ పాండ్యా(కెప్టెన్), టిమ్ డేవిడ్, రొమారియో షెపర్డ్, మహ్మద్ నబీ, గెరాల్డ్ కోయెట్జీ, శ్రేయాస్ గోపాల్, జస్ప్రీత్ బుమ్రా.

రెండు జట్ల ఇంపాక్ట్ ప్రత్యామ్నాయాలు..

ముంబై ఇండియన్స్: ఆకాష్ మధ్వల్, నువాన్ తుషార, కుమార్ కార్తికేయ, పీయూష్ చావ్లా, నమన్ ధీర్.

పంజాబ్ కింగ్స్ ఇంపాక్ట్: రాహుల్ చాహర్, విధ్వత్ కావరప్ప, హర్‌ప్రీత్ భాటియా, శివమ్ సింగ్, రిషి ధావన్.

మరిన్ని క్రీడా వార్తల కోసం ఇక్కడ క్లిక్ చేయండి..