Dhanashree Verma : యుజ్వేంద్ర చాహల్తో విడాకుల తర్వాత ధనశ్రీ వర్మ ఎంత సంపాదించిందో తెలుసా ? వింటే షాకవుతారు
భారత స్టార్ క్రికెటర్ యుజ్వేంద్ర చాహల్ తన వ్యక్తిగత జీవితం కారణంగా ప్రస్తుతం వార్తల్లో నిలుస్తున్నారు. 2020లో డ్యాన్సర్, సోషల్ మీడియా ఇన్ఫ్లుయెన్సర్ ధనశ్రీ వర్మను వివాహం చేసుకున్న చాహల్, ఏప్రిల్ 2025లో ఆమెతో విడాకులు తీసుకున్నారు. కోర్టు తీర్పు ప్రకారం చాహల్, ధనశ్రీకి భరణం కింద భారీ మొత్తాన్ని చెల్లించారు.
Dhanashree Verma : టీమిండియా స్టార్ స్పిన్నర్ యుజ్వేంద్ర చాహల్ తన వ్యక్తిగత జీవితం కారణంగా తరచుగా వార్తల్లో నిలుస్తుంటాడు. చాహల్ ప్రస్తుతం భారత జట్టుకు దూరంగా ఉన్నప్పటికీ లీగ్ క్రికెట్లో ఆడుతూనే ఉన్నాడు. 2020లో ధనశ్రీ వర్మను వివాహం చేసుకున్న చాహల్, ఏప్రిల్ 2025లో ఆమెకు విడాకులు ఇచ్చాడు. కోర్టు తీర్పు ప్రకారం.. చాహల్ విడాకుల భరణం కింద ధనశ్రీకి రూ. 4.75 కోట్లు చెల్లించాడు. ఈ పరిణామం తర్వాత, డెంటల్ డాక్టర్, కొరియోగ్రాఫర్ అయిన ధనశ్రీ వర్మ నికర విలువ భారీగా పెరిగి, కోట్లలోకి చేరింది.
దుబాయ్లో జన్మించినప్పటికీ, ధనశ్రీ వర్మ భారతదేశంలోనే పెరిగారు. ఆమె డెంటల్ డాక్టరీ పూర్తి చేసినప్పటికీ, ప్రస్తుతం సోషల్ మీడియా ఇన్ఫ్లుయెన్సర్గా, కొరియోగ్రాఫర్గా రాణిస్తోంది. మీడియా నివేదికల ప్రకారం, యుజ్వేంద్ర చాహల్తో విడాకుల తర్వాత ధనశ్రీ వర్మ నికర విలువ దాదాపు రూ. 25 కోట్లకు చేరుకుంది. ధనశ్రీ నెలవారీగా రూ. 15 లక్షల నుంచి రూ. 35 లక్షల మధ్య సంపాదిస్తుందని అంచనా. ఈ ఆదాయం ఆమెకు వచ్చే బ్రాండ్ ఎండార్స్మెంట్లు, పెయిడ్ ప్రమోషన్లపై ఆధారపడి ఉంటుంది.
విడాకులు తీసుకునే సమయంలో ఇన్స్టాగ్రామ్లో 5.3 మిలియన్ల ఫాలోవర్లు ఉన్న ధనశ్రీకి, ఇప్పుడు 6 మిలియన్ల ఫాలోవర్లు దాటారు. సోషల్ మీడియాలో ఆమె డ్యాన్స్ రీల్స్ బాగా పాపులర్ అయ్యాయి. ప్రస్తుతం ధనశ్రీ వర్మ అష్నీర్ గ్రోవర్ షో అయిన రైజ్ అండ్ ఫాల్లో పాల్గొంటూ, అక్కడ తన వ్యక్తిగత జీవితం, చాహల్తో తన బంధం గురించి పలు విషయాలను వెల్లడిస్తున్నారు.
భారత క్రికెట్లో చాహల్ ఒక ప్రముఖ ముఖం. ఇన్స్టాగ్రామ్లో అతనికి 10.6 మిలియన్ల ఫాలోవర్లు ఉన్నారు. మీడియా నివేదికల ప్రకారం, యుజ్వేంద్ర చాహల్ నికర విలువ దాదాపు రూ. 45 కోట్లుగా ఉంది. భారత జట్టు నుంచి తాత్కాలికంగా దూరంగా ఉన్నప్పటికీ, చాహల్ ఆదాయం ప్రధానంగా బీసీసీఐ సెంట్రల్ కాంట్రాక్ట్, ఐపీఎల్ జీతం, వివిధ బ్రాండ్ ఎండార్స్మెంట్లు, పెట్టుబడుల ద్వారా వస్తుంది. చాహల్, ధనశ్రీ విడిపోయిన తర్వాత కూడా తమ వ్యక్తిగత జీవితం గురించి పబ్లిక్గా మాట్లాడటం, వారి వృత్తిపరమైన ఎదుగుదల వార్తల్లో నిలుస్తున్నాయి.
మరిన్ని క్రీడా వార్తల కోసం ఇక్కడ క్లిక్ చేయండి..