IND vs AFG: రెండో మ్యాచ్‌ నుంచి కీలక ప్లేయర్ ఔట్.. ఆఫ్ఘాన్‌తో ఢీ కొట్టే భారత జట్టు ఇదే?

Team India

ICC Cricket World Cup 2023, India vs Afghanistan Playing 11: ప్రపంచకప్ 13వ సీజన్‌ను భారత జట్టు అద్భుతంగా ప్రారంభించింది. మెన్ ఇన్ బ్లూ టీమ్ తొలి మ్యాచ్ ఆస్ట్రేలియాతో అక్టోబర్ 8న ఆడింది. ఇక్కడ టీమ్ ఇండియా అద్భుత ప్రదర్శన చేసి ఆరు వికెట్ల తేడాతో విజయం సాధించింది. మెన్ ఇన్ బ్లూ టీమ్ రెండో మ్యాచ్ ఆఫ్ఘనిస్తాన్ క్రికెట్ టీమ్‌తో అక్టోబర్ 11న జరుగుతుంది. ఢిల్లీలోని అరుణ్ జైట్లీ స్టేడియంలో ఇరు జట్ల మధ్య ఈ మ్యాచ్ జరగనుంది. ఈ మ్యాచ్‌లో భారత జట్టు కొన్ని కీలక మార్పులతో మైదానంలోకి దిగవచ్చని తెలుస్తోంది.

ఆస్ట్రేలియాపై భారత జట్టు మైదానంలో ముగ్గురు స్పిన్నర్లకే పరిమితమైంది. దీనికి కారణం చెన్నై పిచ్. దీనికి విరుద్ధంగా, ఢిల్లీ వికెట్ బ్యాట్స్‌మెన్‌కు అనుకూలమైనదిగా పరిగణించబడుతుంది. దీనికి తాజా ఉదాహరణ అక్టోబర్ 4న ఢిల్లీలో దక్షిణాఫ్రికా-శ్రీలంక మధ్య జరిగిన మ్యాచ్. ఈ మ్యాచ్‌లో తొలుత బ్యాటింగ్ చేసిన ఆఫ్రికా జట్టు 428 పరుగులకు ఆలౌటైంది. లక్ష్యాన్ని ఛేదించే క్రమంలో శ్రీలంక జట్టు లక్ష్యాన్ని చేరుకోలేక పోయినా 300 మార్కును దాటేసింది.

ముగ్గురు ఫాస్ట్ బౌలర్లతో బరిలోకి..

పిచ్ తీరు చూస్తుంటే తర్వాతి మ్యాచ్‌లో కెప్టెన్ రోహిత్ శర్మ ముగ్గురు ఫాస్ట్ బౌలర్లతో ఫీల్డింగ్ చేయవచ్చని భావిస్తున్నారు. ఇందులో మహ్మద్ షమీ లేదా శార్దూల్ ఠాకూర్ పేర్లు ఉండే అవకాశం ఉంది. ఆస్ట్రేలియాపై అద్భుతంగా బౌలింగ్ చేసినప్పటికీ రవిచంద్రన్ అశ్విన్ తప్పించే అవకాశం ఉంది.

చెన్నై పొదుపైన బౌలింగ్‌తో ఆకట్టుకున్న రవిచంద్రన్ అశ్విన్..

ఆస్ట్రేలియాపై అశ్విన్ అద్భుతంగా బౌలింగ్ చేశాడు. ఈ మ్యాచ్‌లో 10 ఓవర్లు బౌలింగ్ చేసిన అశ్విన్.. 3.40 ఎకానమీతో 34 పరుగులు మాత్రమే ఇచ్చాడు. కంగారూ ఆల్ రౌండర్ కెమెరూన్ గ్రీన్‌ను వికెట్‌ను పడగొట్టాడు.

ఆఫ్ఘనిస్తాన్‌పై మైదానంలోకి దిగే టీమ్ ఇండియా ప్లేయింగ్ XI..

రోహిత్ శర్మ (కెప్టెన్), ఇషాన్ కిషన్, విరాట్ కోహ్లీ, శ్రేయాస్ అయ్యర్, కెఎల్ రాహుల్ (వికెట్ కీపర్), హార్దిక్ పాండ్యా, రవీంద్ర జడేజా, మహమ్మద్ షమీ/శార్దూల్ ఠాకూర్, జస్ప్రీత్ బుమ్రా, కుల్దీప్ యాదవ్, మహ్మద్ సిరాజ్.

తొలి మ్యాచ్ హీరోలు విరాట్ కోహ్లీ, కేఎల్ రాహుల్..

మరిన్ని క్రీడా వార్తల కోసం ఇక్కడ క్లిక్ చేయండి..