IND vs ZIM 2nd T20: ఇవే తప్పులు రెండో టీ20లో చేస్తే.. మరో ఘోర పరాజయం తప్పదు.. అవేంటంటే?

Ind Vs Zim 1st T20i Result

IND vs ZIM 2nd T20: జింబాబ్వే పర్యటనలో భారత యువ బ్రిగేడ్‌కు శుభారంభం లేదు. తొలి టీ20 మ్యాచ్‌లో జింబాబ్వే జట్టు భారత్‌ను 102 పరుగులకే ఆలౌట్ చేసింది. భారత బౌలర్లు బాగా బౌలింగ్ చేసినా, బ్యాట్స్‌మెన్స్ దారుణంగా విఫలమయ్యారు. ఐపీఎల్ 2024లో సందడి చేసిన అభిషేక్ శర్మ, రుతురాజ్ గైక్వాడ్, రియాన్ పరాగ్‌లు జింబాబ్వేలో తొలిసారి ఆడారు. జింబాబ్వే బౌలర్లు తొలి ఓవర్ నుంచి టీమ్ ఇండియా బ్యాటింగ్ లైనప్‌పై ఉక్కుపాదం మోపడం మొదలుపెట్టారు. అది చివరి వరకు కొనసాగింది. ఐదుగురు బ్యాట్స్‌మెన్స్ రెండంకెల స్కోరును కూడా అందుకోలేకపోయారు. అభిషేక్ శర్మ, రింకూ సింగ్ ఖాతాలు కూడా తెరవలేకపోయారు.

కెప్టెన్ శుభ్‌మన్ గిల్ ప్రయత్నించినా.. సికందర్ రజా బౌలింగ్‌లో ఔటయ్యాడు. వాషింగ్టన్ సుందర్ కూడా 27 పరుగులు చేసినా జట్టును విజయపథంలోకి తీసుకెళ్లలేకపోయాడు. జింబాబ్వే పిచ్‌పై ఆటగాళ్లందరూ తొలిసారి ఆడినా.. పిచ్ పరిస్థితులను సరిగా అర్థం చేసుకోలేకపోయారు.

ఈరోజు సాయంత్రం 4.30 గంటల నుంచి జింబాబ్వే-భారత్ మధ్య రెండో మ్యాచ్ జరగనుంది. ఇందులో భారత్ ఓటమికి ప్రతీకారం తీర్చుకోవాలని భావిస్తోంది. ఇప్పుడు తొలి మ్యాచ్‌లో చేసిన తప్పిదాల నుంచి పాఠాలు నేర్చుకుని జట్టు బ్యాటింగ్‌ను మెరుగుపరుచుకోవాల్సి ఉంటుంది. బ్యాట్స్‌మెన్స్ సహనం ప్రదర్శించాల్సి ఉంటుంది. ఐదు మ్యాచ్‌ల సిరీస్‌లో ప్రస్తుతం భారత్ 1-0తో వెనుకబడి ఉంది. రెండో మ్యాచ్‌లో గెలిచి స్కోరును 1-1తో సమం చేయాలని భావిస్తోంది.

భారత ప్రాబబుల్ ప్లేయింగ్ ఎలెవన్: శుభ్‌మన్ గిల్ (కెప్టెన్), అభిషేక్ శర్మ, రుతురాజ్ గైక్వాడ్, రియాన్ పరాగ్, రింకూ సింగ్, ధ్రువ్ జురెల్ (వికెట్-కీపర్), వాషింగ్టన్ సుందర్, రవి బిష్ణోయ్, అవేశ్ ఖాన్, ముఖేష్ కుమార్, ఖలీల్ అహ్మద్.

జింబాబ్వే ప్రాబబుల్ ప్లేయింగ్ ఎలెవన్: తాడివనాషే మారుమణి, ఇన్నోసెంట్ కయ్యా, బ్రియాన్ బెన్నెట్, సికందర్ రజా (కెప్టెన్), డియోన్ మైయర్స్, జొనాథన్ కాంప్‌బెల్, క్లైవ్ మాడెండె (కీపర్), వెస్లీ మాధేవేర్, ల్యూక్ జోంగ్వే, బ్లెస్సింగ్ ముజారబానీ, టెండై చతారా.

మరిన్ని క్రీడా వార్తల కోసం ఇక్కడ క్లిక్ చేయండి..