Chanakya Niti: జీవితంలో ఈ విషయాలను అర్ధం చేసుకుంటే ఎటువంటి ఇబ్బందుల్ని అయినా అధిగమించవచ్చు అంటున్న చాణక్య

Chanakya

Chanakya Niti: ఆచార్య చాణక్యుడు(Acharya Chanakya)గొప్ప వ్యూహకర్త.గొప్ప వ్యక్తిత్వం సంపన్నుడు. ఆచార్య తక్షశిల విశ్వవిద్యాలయంలో అధ్యాపకునిగా సేవలందిస్తూ అనేక రచనలు చేశారు. అలా చాణక్యుడు రచించిన పుస్తకాల్లో ఒకటి నీతి శాస్త్రం (Niti Shastra). దీనిలో మానవ జీవితంలోని ప్రతి అంశాన్ని ప్రస్తావించాడు. నీతి శాస్త్రంలో తెలిపిన విషయాలను నేటి జనరేషన్‌కు కూడా స్ఫూర్తిదాయకంగా నిలుస్తాయి. ఆచార్య బోధనలు, అతని విధానాలను అర్థం చేసుకుంటే.. జీవితంలో ఏర్పడే ఎటువంటి పరిస్థితులను అయినా ఎదుర్కోవచ్చని మన పెద్దల నమ్మకం. అలా ఆచార్య చెప్పిన వాటి గురించి ఈ రోజు తెలుసుకుందాం.. అవి మీకు చాలా ఉపయోగకరంగా ఉంటాయి.

1. తెలివిగల మనిషి తన ఇంద్రియాలను కొంగలా ఉపయోగించుకోవాలని ఆచార్య సూచించాడు. స్థలం, సమయం, తన సామర్థ్యాన్ని అర్థం చేసుకుని తన పనితనాన్ని నిరూపించుకోవాలి. అప్పుడే అతనికి సమాజంలో గౌరవం, గౌరవం, ప్రతిష్టలు పెరుగుతాయని చాణుక్యుడు చెప్పాడు.
2. మూర్ఖుడు తన తప్పులను తెలుసుకోడు. అతను ఎల్లప్పుడూ ఎదుటి వ్యక్తిలోని తప్పులను ఎంచి చూస్తాడు. అలాంటి వారితో వాదనలు మానుకోవాలి. అలాంటి వ్యక్తులు ఎప్పుడూ ప్రతికూలంగా ఉంటాడు. అంతేకాదు ఇతరులను అదే విధంగా చేయడానికి ప్రయత్నిస్తాడు. అందుకనే మూర్ఖులకు సాధ్యమైనంత దూరంగా ఉండాలి.
3. సంపద , స్నేహితులు, భార్య , రాజ్యం తిరిగి పొందవచ్చు. అయితే ఆరోగ్యాన్ని మాత్రం తిరిగి పొందలేము. కనుక  ముందుగా ఎవరికీ వారు తమ ఆరోగ్యాన్ని జాగ్రత్తగా చూసుకోవాలి. శరీరం బలంగా ఉంటె.. ఎప్పుడు ఏ పని అయినా సకెస్ఫుల్ గా చేయగలడు.
4. భవిష్యత్తులో మీరు ఏమి చేయాలనుకుంటున్నారో ప్రణాళికను ఎవరికీ వెల్లడించవద్దు. మీరు చేపట్టిన పనిలో విజయం సాధించకపోతే మిమ్మల్ని ఎగతాళి చేస్తారు. కనుక మీ లక్ష్యం కోసం మీరు నిశ్శబ్దంగా పని చేస్తూ ఉండండి. సక్సెస్ అయ్యాక ఆ సీక్రెట్ అప్పుడు బయటకు వెల్లడించండి.
5. సమతుల్యమైన మనస్సుకు సమానమైన తపస్సు లేదు . సంతృప్తికి సమానమైన ఆనందం లేదు. దురాశ వంటి వ్యాధి లేదు, దయ వంటి ధర్మం లేదు.
6.  కపటులు లేదా పాపాత్ములు ఎప్పుడూ మధురమైన మాటలు మాట్లాడి తమ పనిని చేసుకుంటారు. అందువల్ల, అతి మధురంగా ​​మాట్లాడే వారి పట్ల ఎప్పుడూ జాగ్రత్త వహించండి.

(ఇక్కడ ఇవ్వబడిన సమాచారం మత విశ్వాసాలు, నమ్మకంపై ఆధారపడి ఉంటుంది. దీనికి శాస్త్రీయ ఆధారాలు లేవు. సాధారణ ఆసక్తిని దృష్టిలో ఉంచుకుని ఇక్కడ అందించబడింది.)

Also Read:

 శివారాధనలో ఈ వస్తువులకు నిషేధం.. సమర్పిస్తే.. శివయ్యకు కోపమేనట..అవేంటంటే