ఆషాఢ గుప్త నవరాత్రులు.. త్వరగా పెళ్లి జరగాలంటే ఈ రోజుల్లో తప్పక చేయాల్సిన శక్తివంతమైన పరిహారాలు
Gupta Navratri 2026: ఆషాఢ గుప్త నవరాత్రి 2026 సందర్భంగా వివాహంలో ఎదురవుతున్న ఆటంకాలను తొలగించి, త్వరగా మంచి జీవిత భాగస్వామి లభించాలంటే జ్యోతిష్య శాస్త్రం సూచించే కొన్ని ప్రత్యేక పరిహారాలు ఉన్నాయి. కాత్యాయనీ దేవి పూజ నుంచి శివపార్వతి ఆరాధన వరకు చేయాల్సిన శుభకార్యాల గురించి తెలుసుకోండి.
Ashadha Gupta Navratri Marriage Remedies: ఆషాఢ మాసంలోని గుప్త నవరాత్రులు అత్యంత పవిత్రమైనవిగా భావిస్తారు. ఈ సంవత్సరం ఇవి జూలై 15 నుంచి జూలై 23 వరకు కొనసాగుతున్నాయి. చైత్ర, శారద నవరాత్రుల మాదిరిగానే గుప్త నవరాత్రులకు కూడా ప్రత్యేక ఆధ్యాత్మిక ప్రాధాన్యం ఉంది. అయితే, ఈ నవరాత్రుల ప్రత్యేకత ఏమిటంటే.. సాధారణ నవరాత్రుల్లో దుర్గాదేవి తొమ్మిది రూపాలను ఆరాధిస్తే, గుప్త నవరాత్రుల్లో దశ మహావిద్యల రహస్య సాధనకు విశేష ప్రాముఖ్యత ఇస్తారు. తాంత్రిక సాధనలు, ప్రత్యేక పూజలు చేయడానికి ఈ కాలాన్ని అత్యంత శుభప్రదమైనదిగా శాస్త్రాలు పేర్కొంటాయి. ఈ పవిత్రమైన రోజుల్లో చేసే కొన్ని ప్రత్యేక పరిహారాలు జీవితంలోని అనేక సమస్యలకు ఉపశమనం కలిగిస్తాయని విశ్వాసం. ముఖ్యంగా వివాహం ఆలస్యం అవుతున్నవారు, పదేపదే సంబంధాలు కుదరక ఇబ్బందులు పడుతున్నవారు లేదా వివాహానికి అడ్డంకులు ఎదుర్కొంటున్నవారు గుప్త నవరాత్రుల సమయంలో కొన్ని ఆధ్యాత్మిక పరిహారాలు చేస్తే శుభ ఫలితాలు లభిస్తాయని జ్యోతిష్య నిపుణులు చెబుతున్నారు.
త్వరగా వివాహం జరగాలంటే గుప్త నవరాత్రుల్లో చేయాల్సిన పరిహారాలు
1. కాత్యాయనీ దేవికి నెయ్యి దీపం వెలిగించండి
గుప్త నవరాత్రుల్లో ప్రతిరోజూ సాయంత్రం కాత్యాయనీ దేవి ముందు స్వచ్ఛమైన నెయ్యితో దీపం వెలిగించండి. అనంతరం “కాత్యాయనీ మహామాయే మహాయోగిన్యధీశ్వరి…” అనే మంత్రాన్ని కనీసం ఒక్కసారి భక్తితో జపించండి. ఇలా చేయడం వల్ల వివాహానికి ఉన్న ఆటంకాలు తొలగి, త్వరగా మంచి జీవిత భాగస్వామి లభిస్తారని నమ్మకం.
2. శివపార్వతులకు పసుపు సమర్పించండి
గుప్త నవరాత్రుల సమయంలో ప్రతిరోజూ శివపార్వతులకు పసుపు( పసుపు కొమ్ములు) సమర్పించడం శుభప్రదంగా భావిస్తారు. పసుపు శుభానికి, మంగళానికి ప్రతీక. ఈ పరిహారం వల్ల కోరుకున్న వ్యక్తితో వివాహం జరిగే అవకాశాలు మెరుగుపడతాయని విశ్వాసం.
3. సౌభాగ్య వస్తువులు దానం చేయండి
వివాహం చాలా కాలంగా ఆలస్యమవుతున్నవారు దుర్గా సప్తశతిలోని అర్గల స్తోత్రాన్ని భక్తితో పఠించడం మంచిదని చెబుతారు. అలాగే వివాహిత మహిళలకు లేదా దేవాలయంలో కుంకుమ, గాజులు, గోరింటాకు, ఎర్ర చీర లేదా ఎర్ర కండువా వంటి సౌభాగ్య వస్తువులను దానం చేయడం ద్వారా అమ్మవారి అనుగ్రహం లభిస్తుందని నమ్ముతారు.
4. శివపార్వతులను యజ్ఞోపవీతంతో ప్రతీకాత్మకంగా కలపండి
గుప్త నవరాత్రుల చివరి రోజున శివపార్వతుల విగ్రహాల చుట్టూ యజ్ఞోపవీతాన్ని ఏడుసార్లు చుట్టి, దంపతుల ఏకత్వానికి ప్రతీకగా పూజ చేయాలి. అనంతరం త్వరగా వివాహం జరగాలని మనస్ఫూర్తిగా ప్రార్థించాలి. ఈ పరిహారం వల్ల వివాహానికి ఉన్న అడ్డంకులు తొలగుతాయని జ్యోతిష్య విశ్వాసం.
(Disclaimer: ఇక్కడ అందించిన సమాచారం, పరిహారాలు హిందూ సంప్రదాయాలు, జ్యోతిష్య విశ్వాసాల ఆధారంగా చెప్పబడినవి. వీటిని విశ్వసించే వారు భక్తిశ్రద్ధలతో ఆచరించవచ్చు. వీటి ఫలితాలు వ్యక్తిగత విశ్వాసం, ఆచరణపై ఆధారపడి ఉంటాయి.)