అక్షయ నవమి నాడు ఏదీ చేసినా రెట్టింపు ఫలితం దక్కుతుంది… డబ్బు, ఆహారం కొరతే ఉండదట…!
పూర్వం శ్రీలక్ష్మీ దేవి భూమిపైకి వచ్చినప్పుడు..శివకేశవులను పూజించాలనుకుందట. ఇద్దరినీ ఒకే సమయంలో పూజించడం ఎలా సాధ్యం అనుకున్న ఆ అమ్మవారు..ఉసిరి చెట్టును ఎంచుకుని అక్కడే పూజలు చేసిందట.
అక్షయ నవమి 2022 : కార్తీక మాసంలోని శుక్ల పక్ష తొమ్మిదవ తేదీని అక్షయ నవమి, ఉసిరి నవమి అంటారు. మన శాస్త్రల్లో అక్షయ నవమికి ప్రత్యేక ప్రాముఖ్యత ఉంది. ఉసిరి పూజించడం వల్ల అన్ని ఆరోగ్య సమస్యల నుండి బయటపడతారని నమ్ముతారు. నవంబర్ 2వ తేదీన అక్షయ నవమి రోజు..ఈ రోజున స్త్రీలు, సంతానం, అదృష్టం కోసం ఉపవాసం ఉంటారు. ఈ రోజున శ్రీమహావిష్ణువును, ఉసిరిని పూజిస్తే కోరిన కోరికలు నెరవేరుతాయని చెబుతారు. ఈ రోజున ఉసిరి చెట్టు కింద దీపం వెలిగించడం విశేషం.
పూర్వం శ్రీలక్ష్మీ దేవి భూమిపైకి వచ్చినప్పుడు..శివకేశవులను పూజించాలనుకుందట. ఇద్దరినీ ఒకే సమయంలో పూజించడం ఎలా సాధ్యం అనుకున్న ఆ అమ్మవారు..ఉసిరి చెట్టును ఎంచుకుని అక్కడే పూజలు చేసిందట. శివకేశవులు ఉసిరి చెట్టులో నివసిస్తారని గుర్తించిన అమ్మవారు.. ఉసిరి చెట్టును పూజించి శివకేశవుల ప్ర్రీతికి పాత్రమైందని పురాణాలు చెబుతున్నాయి. అందుకే ఈ రోజున ఉసిరి చెట్టు కింద పూజ చేయాలని పండితులు చెబుతారు.
అక్షయ నవమి రోజున చేసే పూజలతో అన్ని కోరికలను నెరవేరుతాయంటారు.. ఆ వ్యక్తిని మోక్షం మార్గంలో నడిపిస్తాయంటారు. ఈ రోజున స్వచ్ఛంద కార్యకలాపాలు చేయడం వల్ల రాబోయే జీవితకాలం వ్యక్తికి ప్రయోజనం ఉంటుంది. అందుకే అక్షయ నవమి నాడు విష్ణు విజయ స్తోత్రం, కనకధారా స్థవం, దుర్గా స్తోత్రం, లక్ష్మీ అష్టోత్తరం వంటి స్తోత్రాలను పఠించాలి. ఇంకా స్వామికి చక్కెర పొంగళి, దద్ధోజనం నైవేద్యంగా సమర్పించాలి. అక్షయ నవమినాడు చేసే పూజతో పాపాలు నశిస్తాయి. ధనలాభం వుంటుంది. శత్రువులపై విజయం, అధికార ప్రాప్తి లభిస్తుందని ఆధ్యాత్మిక పండితులు చెప్తున్నారు.
అలాగే ఈ రోజున ఉసిరి చెట్టుకు పూజలు చేసే వారికి అష్టైశ్వర్యాలు చేకూరుతాయి. ఉసిరి చెట్టులో శివకేశవులు కొలువై వుంటారని విశ్వాసం. ఈ రోజున ఉసిరి చెట్టుకు పూజ, దీపం వెలిగించడం.. ఉసిరి చెట్టు కింద భోజనాలు చేయడం ఉత్తమ ఫలితాలను ఇస్తుంది.
మరిన్ని ఆధ్యాత్మిక వార్తల కోసం ఇక్కడ క్లిక్ చేయండి