Breaking News
  • తమిళనాడులో కొత్తగా మరో 3,680 కేసులు.. 64 మరణాలు..
  • బాలీవుడ్‌ నటుడు సుశాంత్ సింగ్ రాజ్​పుత్​ ఆత్మహత్యపై సీబీఐ చేత విచారణ జరిపించాలని బీజేపీ ఎంపీ, మాజీ కేంద్రమంత్రి సుబ్రహ్మణియన్ స్వామి డిమాండ్​ చేశారు.
  • సీఎంజగన్‌ మాట్లాడుతూ.. ఆగస్టు 9న ఆదివాసీ దినోత్సవం సంద‌ర్భంగా పట్టాల పంపిణీ చేయనున్నట్లు వివ‌రించారు. అందుకు సంబంధించిన క్లెయిమ్‌లను పరిశీలించి గిరిజనులకు ల‌బ్ది చేకూర్చాల‌ని అధికారులను ఆదేశించారు.
  • దేశ భద్రత నేపథ్యంలో టిక్‌టాక్‌ సహా 59 చైనా యాప్‌లను కేంద్ర ప్రభుత్వం నిషేధించిన విషయం తెలిసిందే. ఈ క్రమంలో ఎలక్ట్రానిక్స్ అండ్‌ ఇన్‌ఫర్మేషన్‌ టెక్నాలజీ మంత్రిత్వ శాఖ ఈ యాప్‌లకు సంబంధించిన‌ కంపెనీలకు నోటీసులు పంపారు.
  • ఈఎస్ఐ స్కాం కేసు మరో మలుపు తిరిగింది. మందుల కొనుగోళ్లలో అక్రమాలకు పాల్పడ్డారన్న ఆరోపణలు ఎదుర్కొంటున్న మాజీ మంత్రి పితాని సత్యనారాయణ మాజీ వ్యక్తిగత కార్యదర్శి మురిళీని ఏసీబీ అధికారులు శుక్రవారం అరెస్ట్ చేశారు.
  • కరోనా కట్టడిలో ముందు వరుసలో ఉన్న రాష్ట్రాలు సైతం వైరస్ విస్తరిస్తోంది. తాజాగా కర్ణాటక ముఖ్యమంత్రి బీఎస్‌ యడ్యూరప్ప హోం క్వారంటైన్ లో వెళ్లారు. ఇకపై కొద్ది రోజుల పాటు ఇంటి నుంచే పనిచేయనున్నట్లు 77 ఏళ్ల యడ్యూరప్ప తెలిపారు .
  • ఏపీలోని పింఛ‌న్ దారుల‌కు గుడ్‌న్యూస్ చెప్పింది జ‌గ‌న్ స‌ర్కార్‌. ఆగ‌ష్టు 1వ తేదీ నుంచి వారికి ఇచ్చే పెన్ష‌న్ మొత్తం పెర‌గ‌నుంది. ప్ర‌స్తుతం పెన్ష‌న్ దారుల‌కు నెల‌కు రూ.2,250 పింఛ‌ను వ‌స్తుంది. వ‌చ్చే నెల నుంచి 2 వేల 500 రూపాయ‌లు అంద‌నుంది.

ఏపీ : మద్యం, ఇసుక అక్రమ రవాణా చేస్తే..ఆస్తుల జ‌ప్తు…!

Special Enforcement Bureau Commissioner Warning To AP Sand Mafia, ఏపీ : మద్యం, ఇసుక అక్రమ రవాణా చేస్తే..ఆస్తుల జ‌ప్తు…!

ఏపీ ఇసుక, మద్యం అక్రమ రవాణాపై ఉక్కు పాదం మోప‌నున్న‌ట్లు స్పెషల్‌ ఎన్‌ఫోర్స్‌మెంట్‌ బ్యూరో కమిషనర్ వినీత్ బ్రిజ్‌లాల్ వెల్ల‌డించారు. రాష్ట్ర బోర్డ‌ర్ ఏరియాల్లో ముమ్మర చెకింగ్స్ చేస్తూ ఇసుక, మద్యం అక్రమ రవాణాకు అడ్డుకట్ట వేస్తున్నట్లు తెలిపారు. విజయవాడలో ఆయన మీడియాతో మాట్లాడారు. ఈ క్రమంలో టెక్నాల‌జీ సైతం వినియోగించుకుంటున్నట్లు పేర్కొన్నారు. రాత్రివేళల్లో గస్తీని ప‌కడ్బందీగా ఏర్పాటు చేసి మెరుపు దాడులు చేస్తున్నట్లు వివ‌రించారు. ఇసుక, మద్యం అక్రమ రవాణా విషయంలో ప్ర‌భుత్వం, అధికారులు ఎన్ని చ‌ర్య‌లు చేప‌డుతున్నా, ప్రజల సహకారం తప్పకుండా ఉండాలన్నారు.

రాష్ట్ర వ్యాప్తంగా అక్రమ మద్యం, ఇసుక రవాణా విషయంలో ఇప్పటివరకు 485 కేసులు నమోదు చేసి… 955 మందిపై కేసులు నమోదు చేసినట్లు కమిషనర్ వినీత్ బ్రిజ్‌లాల్ వెల్ల‌డించారు. అలాగే 730 వాహనాలను సీజ్‌ చేసి 29,629 టన్నుల ఇసుక స్వాధీనం చేసుకున్నట్లు తెలిపారు. ఇసుక, మద్యం అక్రమ రవాణాలో పట్టుబడితే ఊహించ‌ని చర్యలు తీసుకుంటామని.. పాత నేరగాళ్లు అయితే పీడీ యాక్టు ప్రయోగిస్తామని వార్నింగ్ ఇచ్చారు. నిబంధనలు ఉల్లంఘించే వారిపై రౌడీషీట్స్‌ తెరచే ఆలోచ‌న‌లు చేస్తున్న‌ట్టు వివ‌రించారు. వారి ఆస్తులను సైతం జప్తు చేసేందుకు వెనకాడమని క్లియ‌ర్ క‌ట్ గా చెప్పేశారు.

Related Tags