తొలిసారిగా… ఐపీఎల్ టీం లోకి మహిళ!
ఐపీఎల్‌‌లో రాయల్‌ ఛాలెంజర్స్‌ బెంగుళూరు ఫ్రాంఛైజీ తమ జట్టు సహాయక బృందంలో ఓ మహిళను నియమించుకుంది. ఐపీఎల్ చరిత్రలో ఇలా మహిళకు అవకాశం ఇవ్వడం ఇదే తొలిసారి. ఆర్సీబీ జట్టు తమ అధికారిక ట్విటర్‌లో గురువారం రాత్రి ఈ విషయాన్ని వెల్లడించింది. ఐపీఎల్ 13వ సీజన్‌కు నవ్‌నీతా గౌతమ్‌ అనే మసాజ్‌ థెరపిస్ట్‌ను నియమించుకున్నామని, ఆటగాళ్లకు అవసరమైన ఫిజియో సంబంధిత అంశాలను ఆమె పర్యవేక్షిస్తారని తెలిపింది. కాగా ఐపీఎల్‌ల్లో ఒక మహిళని సహాయక బృందంలో చేర్చుకున్న తొలి […]
ఐపీఎల్‌‌లో రాయల్‌ ఛాలెంజర్స్‌ బెంగుళూరు ఫ్రాంఛైజీ తమ జట్టు సహాయక బృందంలో ఓ మహిళను నియమించుకుంది. ఐపీఎల్ చరిత్రలో ఇలా మహిళకు అవకాశం ఇవ్వడం ఇదే తొలిసారి. ఆర్సీబీ జట్టు తమ అధికారిక ట్విటర్‌లో గురువారం రాత్రి ఈ విషయాన్ని వెల్లడించింది. ఐపీఎల్ 13వ సీజన్‌కు నవ్‌నీతా గౌతమ్‌ అనే మసాజ్‌ థెరపిస్ట్‌ను నియమించుకున్నామని, ఆటగాళ్లకు అవసరమైన ఫిజియో సంబంధిత అంశాలను ఆమె పర్యవేక్షిస్తారని తెలిపింది. కాగా ఐపీఎల్‌ల్లో ఒక మహిళని సహాయక బృందంలో చేర్చుకున్న తొలి జట్టుగా ఆర్సీబీ గర్వపడుతుందని పేర్కొంది. ఆటగాళ్ల ఫిట్‌నెస్‌ కోసం ప్రత్యేక నైపుణ్య సాధనాలు చేయించడం, మోటివేషన్‌ కలిగించడంతో పాటు శారీరక గాయాలకు సంబంధించిన చికిత్స అందించడం ఆమె పని. ఈ విషయంపై స్పందించిన ఆర్సీబీ ఛైర్మన్‌ సంజీవ్‌ చురివాలా.. ఒక చారిత్రక ఘట్టంలో భాగస్వామి అయినందున తనకు సంతోషంగా ఉందని పేర్కొన్నారు. ఆటలో మహిళా ప్రధాన్యాన్ని గుర్తించి సహాయక బృందాల్లోనూ వారికి అవకాశమివ్వడం అతి ముఖ్యమన్నారు. అన్ని క్రీడా విభాగాల్లో మహిళల భాగస్వామ్యంతో పాటు వారు సాధిస్తున్న విజయాలే నవ్‌నీతా ఎంపికకు కారణమని ఆయన వెల్లడించారు.
Navnita Gautam joins us as a sports massage therapist for the 13th edition of IPL. She will work to identify, and implement massage therapy to help the team prepare and recover better..We are proud to be the first IPL team to have a woman support staff member..#PlayBold pic.twitter.com/Y7CFR0WKDB
— Royal Challengers Bangalore (@RCBTweets) October 17, 2019
