ఆ నటుడితో రాశి రెండోసారి రొమాన్స్..!
బబ్లీ గర్ల్ రాశిఖన్నా మళ్లీ బిజీ అవుతోంది. ముఖ్యంగా కోలీవుడ్లో రాశికి వరుస అవకాశాలు వస్తున్నాయి. ఈ నేపథ్యంలో తాజాగా ఈ బ్యూటీకి మరో అవకాశం వచ్చినట్లు వార్తలు వినిపిస్తున్నాయి
Raashi Khanna news: బబ్లీ గర్ల్ రాశిఖన్నా మళ్లీ బిజీ అవుతోంది. ముఖ్యంగా కోలీవుడ్లో రాశికి వరుస అవకాశాలు వస్తున్నాయి. ఈ నేపథ్యంలో తాజాగా ఈ బ్యూటీకి మరో అవకాశం వచ్చినట్లు వార్తలు వినిపిస్తున్నాయి. కోలీవుడ్ విలక్షణ నటుడు విజయ్ సేతుపతితో రాశి రెండోసారి రొమాన్స్ చేయబోతున్నట్లు సమాచారం.
కొత్త దర్శకుడు డిల్లీ ప్రసాద్ దర్శకత్వంలో విజయ్ సేతుపతి తుగ్లక్ దర్బార్ అనే నటించనున్న విషయం తెలిసిందే. 7 స్క్రీన్ స్టూడియోస్ నిర్మాణంపై లలిత్ ఈ మూవీని నిర్మిస్తున్నారు. ఇందులో హీరోయిన్గా అదితీ రావు హైదరీని కన్ఫర్మ్ చేస్తూ మూవీ యూనిట్ అధికారిక ప్రకటనను ఇచ్చింది.
అయితే డేట్లు క్లాష్ అవ్వడంతో అదితీ ఈ ప్రాజెక్ట్ నుంచి తప్పుకుందట. ఈ నేపథ్యంలో ఆమె స్థానంలో రాశిఖన్నాను తీసుకున్నట్లు తెలుస్తోంది. కాగా గతంలో విజయ్ సేతుపతి సంగ తమిళన్ మూవీలో రాశి నటించిన విషయం తెలిసిందే. ఇక తుగ్లక్ దర్బార్లో మంజిమా మోహన్, పార్ధిబన్ ముఖ్య పాత్రల్లో కనిపించనున్నారు.
Read More: