Ration ATM: ఏటీఎం మిషన్ ద్వారా రేషన్ సరుకులు.. ప్రయోగాత్మకంగా ప్రారంభించిన అధికారులు.. చిత్రాలు..
దేశంలో తొలిసారిగా రేషన్ ఏటీఎంను ప్రయోగాత్మకంగా హర్యానా ప్రభుత్వం ప్రవేశపెట్టింది. ఈ పైలట్‌ ప్రాజక్ట్‌ను గరుగ్రామ్‌లోని ఫరూక్‌నగర్‌లో ప్రారంభించారు.
Ration Atm 5
- ప్రభుత్వం పంపిణీ చేసే రేషన్ సరుకుల కోసం గంట తరబడి నిలబడే పరిస్థితికి చెల్లుచీటి పడనుంది. అత్యాధునిక పద్దతులను ఉపయోగిస్తూ కొత్త విధానాన్ని తీసుకువస్తోంది ప్రభుత్వం. ఏటీఎం మిషన్ల ద్వారా పేద ప్రజలకు సరుకులను పంపిణీ చేయాలని భావిస్తోంది.
- దేశంలో తొలిసారిగా రేషన్ ఏటీఎంను ప్రయోగాత్మకంగా హర్యానా ప్రభుత్వం ప్రవేశపెట్టింది. ఈ పైలట్‌ ప్రాజక్ట్‌ను గరుగ్రామ్‌లోని ఫరూక్‌నగర్‌లో హర్యానా ఉప ముఖ్యమంత్రి దుష్యంత్ చౌతాలా ప్రారంభించారు. ఈ రేషన్ ఏటీఎం ఐదు నుంచి ఏడు నిమిషాల లోపు 70 కిలోల వరకు బియ్యం, గోధుమలు, చిరుధాన్యాలు విడుదల చేస్తుందన్నారు. కాగా ఈ మెషిన్‌ టచ్‌స్క్రీన్‌ ద్వారా పని చేస్తుందని మంత్రి దుష్యంత్ చౌతాలా తెలిపారు.
- ఈ ఏటీఎం మెషీన్‌లో బయోమెట్రిక్ వ్యవస్థ ఉంటుందని, దీని ద్వారా బయోమెట్రిక్ ధ్రువీకరణ జరగగానే, లబ్ధిదారునికి ఎంత ధాన్యం లభిస్తుందో లెక్కించి ఆటోమెటిక్‌గా సంచుల్లో నింపేస్తుంది. దీని వలన ప్రజలకు పారదర్శకంగా రేషన్ సరుకులు అందుతాయని, ఈ ప్రాజెక్ట్‌ ప్రవేశపెట్టడానికి ముఖ్య కారణం ఇదేనంటూ అధికారులు వెల్లడించారు.
- రేషన్ డీలర్లకు ప్రభుత్వం కొత్త నిబంధన బయోమెట్రిక్ సిస్టమ్ తీసుకువచ్చింది. గతంలో రేషన్ ఒక్కటి మాత్రమే వేలిముద్ర వేయడానికి సరిపోయింది. కానీ, ఇప్పుడు లబ్ధిదారులు ఎన్ని వస్తువులు ఇచ్చినా అన్ని వస్తువుల వేలిముద్ర వేయాలి అనే నిబంధన విధించింది.
- దీనిని ఆటోమేటెడ్ మల్టీ కమోడిటీ ధాన్యం పంపిణీ యంత్రంగా ఉపయోగపడుతుంది. ఇది దేశంలోనే మొట్టమొదటి రేషన్ ఏటీఎం కాగా.. ఈ పైలట్‌ ప్రాజెక్ట్‌ ఫరూకనగర్‌లో విజయవంతంగా నిర్వహించిన అనంతరం యూఎన్‌ ప్రపంచ ఆహార కార్యక్రమం క్రింద వీటిని త్వరలో రాష్ట్రవ్యాప్తంగా ప్రారంభించనున్నట్లు హర్యానా ప్రభుత్వం తెలిపింది. ఈ ఏటీఎంలో రేషన్ సరుకులు.. గోధుమలు, ధాన్యం, చిరుధాన్యాలు సరఫరా చేసేలా కార్యాచరణ రూపొందించామన్నారు
- ప్రభుత్వం పంపిణీ చేసే రేషన్ సరుకుల కోసం గంట తరబడి నిలబడే పరిస్థితికి చెల్లుచీటి పడనుంది. అత్యాధునిక పద్దతులను ఉపయోగిస్తూ కొత్త విధానాన్ని తీసుకువస్తోంది ప్రభుత్వం. ఏటీఎం మిషన్ల ద్వారా పేద ప్రజలకు సరుకులను పంపిణీ చేయాలని భావిస్తోంది.