గాడిదను అరెస్ట్ చేసిన పాక్‌ పోలీసులు.. రీజన్ తెలిస్తే నవ్వాపుకోలేరు..
పాకిస్థాన్‌లో వింత సంఘటన చోటుచేసుకుంది. ఎవరైనా తప్పు చేస్తే మనుషుల్ని అరెస్ట్ చేస్తారు. కానీ పాక్‌లో మాత్రం ఓ గాడిదను అరెస్ట్ చేశారు.
పాకిస్థాన్‌లో వింత సంఘటన చోటుచేసుకుంది. ఎవరైనా తప్పు చేస్తే మనుషుల్ని అరెస్ట్ చేస్తారు. కానీ పాక్‌లో మాత్రం ఓ గాడిదను అరెస్ట్ చేశారు. ఈ విషయం తెలుసుకున్న పాక్‌ ప్రజలే అక్కడి పోలీసులు తీరును చూసి నవ్వుకుంటున్నారు. వివరాల్లోకి వెళితే.. పాకిస్థాన్‌లోని ఓ ప్రాంతంలో ఎనిమిది మంది వ్యక్తులు గాడిదతో రేసింగ్‌ గేమ్ ఆడారు. అది కూడా బెట్టింగ్ పెట్టి.. దీంతో విషయం తెలుసుకున్న పోలీసులు.. ఆ ఎనిమిది మంది నిందితులను అరెస్ట్ చేశారు. అంతేకాదు.. వారి వద్ద నుంచి ఏకంగా రూ. 1,20,000/- నగదుతో పాటు.. ఓ గాడిదను స్వాధీనం చేసుకున్నారు. అయితే గాడిదను కూడా అరెస్ట్ చేసి పోలీస్ స్టేషన్‌లోనే పెట్టడంపై తీవ్ర విమర్శలు వచ్చాయి. అయితే దీనిపై స్పందించిన పోలీసులు.. ఎఫ్ఐఆర్‌లో గాడిద పేరు కూడా ఉందని.. అందుకోసమే దానిని విడుదల చేయడం లేదని పోలీసులు తెలిపారు. దీనికి సంబంధించిన వీడియోను ఓ జర్నలిస్ట్‌ ట్విట్టర్‌లో పోస్ట్ చేశారు. దీనిపై విపరీతమైన ట్రోల్‌ జరుగుతోంది.
Donkey arrested for participating in a gambling racing in Rahim Yar Khan. Eight humans also rounded up, Rs 120,000 recovered. https://t.co/RIULiecduw pic.twitter.com/1FipntTR60
— Naila Inayat नायला इनायत (@nailainayat) June 7, 2020
