ఎందరో యువ వ్యాపారవేత్తల వేదిక ‘ప్రారంభ్’.. స్టార్టప్ ఇండియా అంతర్జాతీయ సదస్సును ప్రారంభించనున్న ప్రధాని మోదీ

స్టార్టప్ ఇండియా అంతర్జాతీయ సదస్సును ప్రధాని మోదీ ప్రారంభించనున్నారు. ఈ సాయంత్రం (శనివారం) 5గంటలకు ఈ సదస్సును ఉద్దేశించి మాట్లాడనున్నారు. 'ప్రారంభ్' పేరిట..

Updated on: Jan 16, 2021 | 3:09 PM

Prarambh Startup India : స్టార్టప్ ఇండియా అంతర్జాతీయ సదస్సును ప్రధాని మోదీ ప్రారంభించనున్నారు. ఈ సాయంత్రం (శనివారం) 5గంటలకు ఈ సదస్సును ఉద్దేశించి మాట్లాడనున్నారు. ‘ప్రారంభ్’ పేరిట ఈ సదస్సును కేంద్ర వాణిజ్య, పరిశ్రమల ప్రోత్సాహక శాఖ నిర్వహిస్తోంది.

2018 ఆగస్టులో కాఠ్మాండులో నిర్వహించిన బిమ్స్టెక్ సదస్సులో పాల్గొన్న ప్రధాని మోదీ, ఈ కార్యక్రమాన్ని భారత్లో నిర్వహిస్తామని అప్పుడే ప్రకటించారు. దేశంలో అంకుర సంస్థలను ప్రోత్సహించేందుకు 2016 జనవరి 16న ‘సార్టప్ ఇండియా’కు శ్రీకారం చుట్టారు ప్రధాని మోదీ. దీని ఐదో వార్షికోత్సవం సందర్భంగా స్టార్టప్ ఇండియా అంతర్జాతీయ సదస్సును కేంద్రం నిర్వహిస్తోంది.

ఈ సదస్సులో 25 దేశాలకు చెందిన వ్యాపారవేత్తలు, 200మంది అంతర్జాతీయ వక్తలు పాల్గొంటున్నారు. వీరినుద్దేశించి శనివారం సాయంత్రం మోదీ ప్రసంగిస్తారు.