ప్రపంచంలో అత్యంత ఖరీదైన నగరాలు న్యూయార్క్, హాంకాంగ్.. అయితే చౌకైన నగరాలు ఏమిటో తెలుసా?
ఎకనామిస్ట్ ఇంటెలిజెన్స్ యూనిట్ సమగ్ర అధ్యయనం తర్వాత ప్రపంచంలోని అత్యంత ఖరీదైన, చౌకైన నగరాల జాబితాను విడుదల చేసింది. భారతదేశంలోని అనేక నగరాల పేర్లు కూడా ఈ జాబితాలో చేర్చబడ్డాయి.
2022 ఏడాదిలో 172 దేశాల్లోని పెద్ద నగరాల్లో ద్రవ్యోల్బణం 8 శాతం పెరిగింది. లండన్లోని ఎకనామిస్ట్ ఇంటెలిజెన్స్ యూనిట్కు చెందిన 'వరల్డ్వైడ్ కాస్ట్ ఆఫ్ లివింగ్ సర్వే' ఒక వివరణాత్మక అధ్యయనం చేసింది. అంతేకాదు ప్రపంచంలోని అత్యంత ఖరీదైన, చౌకైన నగరాల జాబితాను విడుదల చేసింది. భారతదేశంలోని అనేక నగరాల పేర్లు కూడా ఈ జాబితాలో చేర్చబడ్డాయి.
ఈ జాబితాలో న్యూయార్క్ , సింగపూర్ సంయుక్తంగా మొదటి స్థానంలో ఉన్నాయి. అంటే ఈ రెండు ప్రపంచంలోనే అత్యంత ఖరీదైన నగరాలు. గతేడాది ఇజ్రాయెల్లోని టెల్ అవీవ్ నగరం అగ్రస్థానంలో ఉండగా, ఈసారి మూడో స్థానంలో నిలిచింది.
ఈ జాబితాలో హాంకాంగ్ , అమెరికాలోని లాస్ ఏంజెల్స్ నాలుగో స్థానంలో ఉన్నాయి. ప్రపంచంలోని అత్యంత ఖరీదైన నగరాల్లో ఈ రెండు నాల్గవ స్థానంలో ఉన్నాయి. స్విట్జర్లాండ్లోని రెండు నగరాలు టాప్ 10లో ఉన్నాయి. ప్రపంచంలోని అత్యంత ఖరీదైన నగరాల జాబితాలో జ్యూరిచ్ ఆరో స్థానంలో ఉండగా, జెనీవా ఏడో స్థానంలో ఉంది.
గత ఏడాది 24వ స్థానంలో ఉన్న US నగరం శాన్ఫ్రాన్సిస్కో ఈ జాబితాలో ఎనిమిదో స్థానంలో నిలిచింది. తొమ్మిదో స్థానంలో ఫ్రాన్స్ రాజధాని పారిస్ నిలవగా.. ఈ జాబితాలో ఆస్ట్రేలియాలోని సిడ్నీ నగరం 10వ స్థానంలో ఉంది.
ప్రపంచంలో చౌకైన నగరాల జాబితాలోకి వెళ్తే.. సిరియాలోని డమాస్కస్, లిబియాలోని ట్రిపోలీ ప్రపంచంలోనే అత్యంత చౌకైన నగరాలుగా చెప్పబడుతున్నాయి
ప్రపంచంలోనే ఆరవ చౌకైన నగరంగా పాకిస్థాన్లోని కరాచీ ఉంది. అత్యంత చౌకైన నగరాల జాబితాలో కొలంబో, అల్జీర్స్తో పాటు బెంగళూరు 10వ స్థానంలో ఉండగా, చెన్నై తొమ్మిది, అహ్మదాబాద్ 8వ స్థానంలో నిలిచాయి.