Tyres Black Colour: వాహనాల టైర్లు నలుపు రంగులో ఎందుకు ఉంటాయి..? కారణం ఏంటి..?
మన చుట్టూ ఎన్నో జరుగుతుంటాయి. ఎన్నో విషయాలపై రకరకాల అర్థాలు ఉంటాయి. కానీ మనం పెద్దగా పెట్టించుకోము. అలాగే చాలా మంది బైక్‌లు, కార్లు నడుపుతుంటారు. వాటి టైర్లు నలుపు రంగులో ఉంటాయన్న విషయం అందరికి తెలిసిందే..
మన చుట్టూ ఎన్నో జరుగుతుంటాయి. ఎన్నో విషయాలపై రకరకాల అర్థాలు ఉంటాయి. కానీ మనం పెద్దగా పెట్టించుకోము. అలాగే చాలా మంది బైక్‌లు, కార్లు నడుపుతుంటారు. వాటి టైర్లు నలుపు రంగులో ఉంటాయన్న విషయం అందరికి తెలిసిందే.
అవి ఎందుకు నలుపు రంగులో ఉంటాయన్న విషయం పెద్దగా తెలిసి ఉండదు. కొందరికి తెలిసినా.. మరికొందరికి తెలియకపోవచ్చు. చిన్న పిల్లల సైకిల్‌ టైర్ల నుంచి పెద్ద వాహనాల వరకు అన్ని టైర్లు నలుపు రంగుల్లో ఉంటాయి. అలా నలుపు రంగులో ఉండడానికి కూడా కారణం ఉంది. మరి అలా నలుపు రంగులో ఉండడానికి కారణం ఏంతో తెలుసుకుందాం.
ముందుగా వాహనాల టైర్లు తయారు చేసే సమయంలో వాటి కలర్‌ తెలుపు రంగుల్లో ఉండేవట. ఈ టైర్ల తయారీలో ఉపయోగించే రబ్బర్‌ తెలుపు రంగులో ఉంటుందట. 1895 సంవత్సరంలో టైర్ల తెలుపు రంగుల్లోనే ఉండేవని నిపుణులు చెబుతున్నారు. అయితే టైర్ల తయారీ సమయంలో కొన్ని రోజుల తర్వాత అందులో కార్బన్‌ బ్లాక్‌ పదార్థాన్ని కలిపారు.
ఈ కారణంగా వాహనాల టైర్లు నలుపు రంగుల్లోకి మారాయని చెబుతుంటారు. ఈ టైర్ల తయారీలో కార్బన్‌ పదార్థాన్ని వాడటం వల్ల టైర్ల క్వాలిటీ ఎక్కువగా ఉంటుందట. వాటి నాణ్యత ఎక్కువ ఉండటం కారణంగా త్వరగా పాడైపోకుండా ఉంటుందట. అలా వాహనాల టైర్లు నలుపు రంగులో ఉండటం వల్ల రోడ్డుపై ఒత్తిడి ఏర్పడినప్పుడు గానీ, రోడ్డుపై రాపిడి కారణంగా వేడి కలిగినప్పుడు టైర్లు కరిగిపోకుండా ఉంటాయి.
అందేకాదండోయ్‌.. ఓజోన్‌, యూవీ రేడియేషన్‌ నుంచి కూడా ఎఫెక్ట్‌ కాకుండా కార్బన్‌ బ్లాక్‌ ఉపయోగపడుతుందట. రహదారిపై వెళ్లేటప్పుడు ఒత్తిడి ఏర్పడి పగుళ్లు ఏర్పడుతుంటాయి. అలా టైర్లు పగుళ్లు ఏర్పడకుండా ఉండేందుకు ఈ కార్బన్‌ ఉపయోగపడుతుందని కంపెనీ వర్గాలు పేర్కొంటున్నాయి.