Xiaomi Pad 7: షావోమీ నుంచి కళ్లు చెదిరే ట్యాబ్‌.. అదిరిపోయే ఫీచర్లు..
చైనాకు చెందిన ప్రముఖ ఎలక్ట్రానిక్‌ దిగ్గజం షావోమీ మార్కెట్లోకి కొత్త ట్యాబ్‌ను తీసుకొచ్చింది. షావోమీ ప్యాడ్ 7 సిరీస్‌లో భాగంగా రెండు కొత్త ట్యాబ్స్‌ను పరిచయం చేసింది. షావోమీ ప్యాడ్ 7, ప్యాడ్ 7 ప్రో పేరుతో రెండు ట్యాబ్‌లను లాంచ్‌ చేశారు. ఇంతకీ ఈ ట్యాబ్లెట్‌లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్‌ ఫోన్‌ దిగ్గజం షావోమీ మార్కెట్లోకి షామోవీ ప్యాడ్ 7 సిరీస్‌ పేరుతో రెండు కొత్త ట్యాబ్‌లను తీసుకొచ్చింది. ప్యాడ్ 7, ప్యాడ్ 7 ప్రో పేరుతో రెండు ట్యాబ్‌లను లాంచ్‌ చేశారు.
ఫీచర్ల విషయానికొస్తే షావోమీ ప్యాడ్ 7 సిరీస్‌లో 11.2 ఇంచెస్‌తో కూడిన ఎల్‌సీడీ డిస్‌ప్లేను అందించారు. 144 హెచ్జెడ్ రిఫ్రెష్‌ రేట్, 240 హెచ్జెడ్ టచ్‌ శాంప్లింగ్ రేట్, హెచ్‌డీఆర్‌10, డాల్బీ విజన్‌ వంటి ఫీచర్లను అందించారు.
ఇక ఈ ట్యాబ్‌లో క్వాల్కమ్‌ స్నాప్‌డ్రాగన్‌ 7+ జెన్‌ 3 ప్రాసెసర్‌ను అందించారు. కెమెరా విషయానికొస్తే ప్యాడ్ 7లో 13 ఎంపీతో కూడిన్‌ రెయిర్‌ కెమెరా, 8 ఎంపీతో కూడిన ఫ్రంట్‌ కెమెరాను అందించారు.
షావోమీ 7ప్రో విషయానికొస్తే ఇందులో 50 ఎంపీతో కూడిన రెయిర్‌ కెమెరా, 32 ఎంపీతో కూడిన ఫ్రంట్‌ కెమెరాను ఇచ్చారు. ఈ రెండు ట్యాబ్స్‌ తాజాగా లాంచ్‌ చేసిన హైపర్‌ ఓఎస్‌ 2 ఆపరేటింగ్ సిస్టమ్‌తో పనిచేస్తుంది.
బ్యాటరీ విషయానికొస్తే ఈ ట్యాబ్స్‌లో 45 వాట్స్‌ ఫాస్ట్ ఛార్జింగ్‌కు సపోర్ట్‌ చేసే 8850 ఎమ్‌ఏహెచ్‌ కెపాసిటీ గల బ్యాటరీని అందించనున్నారు. ఈ రెండు ట్యాబ్స్‌లోనూ.. యూఎస్‌బీ టైప్‌సీ పోర్ట్‌, డాల్బీ ఆటోమ్స్‌, క్వాడ్‌ స్పీకర్స్, నాలుగు మైక్రో ఫోన్స్‌, వైఫై 7, బ్లూటూత్ 5.4 వంటి కనెక్టివిటీ ఫీచర్లను అందించారు.