Xiaomi 11i Hypercharge: 15 నిమిషాల్లోనే ఫోన్‌ ఫుల్‌ ఛార్జింగ్.. భారత మార్కెట్లోకి ఫాస్టెస్ట్ హైపర్ ఛార్జింగ్ స్మార్ట్‌ఫోన్‌..
Xiaomi 11i Hypercharge: చైనాకు చెందిన ప్రముఖ స్మార్ట్ ఫోన్‌ దిగ్గజం షావోమీ తాజాగా భారత మార్కెట్లోకి మరో కొత్త స్మార్ట్ ఫోన్‌ను తీసుకురానుంది. ఫాస్టెస్ట్ ఛార్జింగ్ స్మార్ట్ ఫోన్‌ అని చెబుతోన్న ఈ ఫోన్‌ ఫీచర్లు ఆకట్టుకునేలా ఉన్నాయి..
ఎప్పటికప్పుడు కొంగొత్త ఫోన్‌లతో స్మార్ట్ ఫోన్‌ లవర్స్‌ను అట్రాక్ట్ చేస్తూ వస్తోన్న షావోమీ తాజాగా మరో కొత్త ఫోన్‌ను లాంచ్‌ చేయడానికి సిద్ధమైంది. షావోమీ 11ఐ హైపర్ ఛార్జ్ పేరుతో లాంచ్‌ చేయనున్న ఈ ఫోన్‌లో ఆకట్టుకునే ఫీచర్లు ఉన్నాయి.
120w ఫాస్ట్‌ ఛార్జింగ్ సపోర్ట్‌ చేసే ఈ ఫోన్‌లో కేవలం 15 నిమిషాల్లో బ్యాటరీ ఫుల్‌ అవుతుంది. ఈ స్మార్ట్ ఫోన్‌ భారత్‌లో వచ్చే జనవరి 6న లాంచ్‌ కానుంది.
8జీబీ ర్యామ్‌ + 128జీబీ స్టోరేజ్ వేరియంట్‌లో అందుబాటులోకి రానున్న ఈ ఫోన్‌ భారత్‌లో రూ. 24,900గా ఉండనున్నట్లు వార్తలు వస్తున్నాయి.
ఈ ఫోన్‌లో 6.67 ఇంచెస్‌ అమోఎల్‌ఈడీ డిస్‌ప్లేను అందించనున్నారు. ఈ ఫోన్‌ ఆక్టా-కోర్ MediaTek డైమెన్సిటీ 920 SoC ప్రాసెసర్‌పై పనిచేస్తుంది.
ఇక కెమెరా విషయానికొస్తే ఇందులో 108-ఎంపీ ట్రిపుల్ రియర్ కెమెరా డ్యూయల్ జేబీఎల్‌-ట్యూన్డ్ స్టీరియో స్పీకర్స్‌ అందించనున్నారు.