WhatsApp: వాట్సాప్‌ యూజర్లకు అదిరిపోయే అప్‌డేట్‌.. ఇకపై ఆ సమస్యకు చెక్‌..
యూజర్ల అవసరాలను అనుగుణంగా కొంగొత్త ఫీచర్లను తీసుకొచ్చే వాట్సాప్‌ తాజాగా మరో ఆసక్తికరమైన ఫీచర్‌ను పరిచయం చేయనుంది. ప్రస్తుతం టెస్టింగ్ స్టేజ్లో ఉన్న ఈ ఫీచర్‌ను త్వరలోనే అందరికీ అందుబాటులోకి తీసుకురానున్నారు..
ఎప్పటికప్పుడు కొంగొత్త ఫీచర్లతో యూజర్లను ఆకట్టుకునే వాట్సాప్‌ తాజాగా మరో కొత్త అప్‌డేట్‌ను తీసుకొస్తోంది. ప్రస్తుతం ఈ ఫీచర్‌ను టెస్టింగ్‌లో భాగంగా బీటా యూజర్లకు అందుబాటులోకి తీసుకొచ్చింది.
సాధారణంగా మనం ఏదైనా అత్యవసర మీటింగ్‌లో ఫోన్‌ కాల్స్‌ లిఫ్ట్‌ చేయలేని పరిస్థితిల్లో ఉన్నప్పుడు DND మోడ్‌ను సెలక్ట్ చేసుకుంటాం. దీనివల్ల కాల్స్‌రావు. అయితే ఆ సమయంలో ఏవైనా కాల్స్‌ వస్తే తర్వాత మెసేజ్‌ రూపంలో అలర్ట్‌ వస్తుంది. కానీ వాట్సాప్‌లో ఈ అవకాశం ఉండదు.
DND మోడ్‌లో ఉన్న సమయంలో ఏవరైనా వాట్సాప్‌కు ఎవరైన కాల్‌ చేస్తే నోటిఫికేషన్‌ వచ్చే అవకాశం ఇప్పటి వరకు లేదు. అయితే తాజాగా వాట్సాప్‌ ఈ ఫీచర్‌ను తీసుకొచ్చింది.
ఇందులో భాగంగానే WaBetainfo ఓ స్క్రీన్‌షాట్‌ను షేర్ చేసింది. డీఎన్‌డీ మోడ్‌లో ఉన్న సమయంలో మీకు కాల్స్‌ వస్తే మోడ్‌ నుంచి బయటకు వచ్చిన తర్వాత చాట్‌ బాక్స్‌లో నోటిఫికేషన్‌ చూపిస్తుంది.
ప్రస్తుతం టెస్టింగ్ స్టేజ్లో ఉన్న ఈ ఫీచర్‌ను త్వరలోనే అందరికీ అందుబాటులోకి తీసుకొచ్చేందుకు ప్లాన్‌ చేస్తున్నారు. ఆండ్రాయిడ్‌ వాట్సాప్‌ వెర్షన్‌ 2.22.24.17ని ఉపయోగిస్తున్న వారికి ఈ ఫీచర్‌ను అందుబాటులోకి తీసుకొచ్చారు.