Vivo X Fold 3: వివో నుంచి మడతపెట్టే ఫోన్‌ వచ్చేస్తోంది.. ఫీచర్లు అదుర్స్‌ అంతే..
ప్రస్తుతం మార్కెట్లో మడతపెట్టే ఫోన్‌ల హవా నడుస్తోంది. అన్ని ప్రముఖ స్మార్ట్ ఫోన్‌ తయారీ కంపెనీలు ఇప్పటికే ఫోల్డబుల్ స్మార్ట్ ఫోన్‌లను తీసుకొస్తున్నాయి. భారత మార్కెట్లోకి ఇప్పటికే వన్‌ప్లస్‌, సామ్‌సంగ్ ఫోల్డబుల్ స్మార్ట్‌ఫోన్‌లను లాంచ్‌ చేయగా వివో ససైతం కొత్త ఫోన్‌ను లాంచ్‌ చేస్తోంది. ఈ ఫోన్‌కు సంబంధించిన పూర్తి వివరాలు మీకోసం..
చైనాకు చెందిన ప్రముఖ స్మార్ట్ ఫోన్‌ దిగ్గజం వివో భారత మార్కెట్లోకి త్వరలోనే తన ఫోల్డబుల్ ఫోన్‌ను తీసుకొస్తోంది. వివో ఎక్స్ ఫోల్డ్ 3 పేరుతో ఈ ఫోన్‌ను లాంచ్‌ చేయనున్నారు
ఈ ఫోన్‌లో అత్యంత శక్తివంతమైన క్వాల్‌కమ్‌ స్నాప్‌డ్రాగన్‌ 8 జెన్ 3 ప్రాసెసర్‌ను అందించనున్నారు. వివో ఎక్స్ ఫోల్డ్ 3ని సన్నగా డిజైన్‌ చేయనున్నారు. ఇప్పటికే చైనాలో వివో ఎక్స్ ఫోల్డ్ 3, ఎక్స్ ఫోల్డ్ 3 ప్రొ లాంచ్‌ చేశారు.
కెమెరా విషయానికొస్తే ఈ స్మార్ట్ ఫోన్‌లో వెనకవైపు మూడు కెమెరాలు అందించారు. వీటిలో 50 మెగాపిక్సెల్‌ మెయిన్‌ కెమెరా, వైడ్‌ యాంగిల్‌ షాట్స్‌ కోసం మరో 50 ఎంపీ కెమెరా, పోర్ట్రయిట్ షాట్స్‌ కోసం 50 ఎంపీ కెమెరాను అందించారు.
ఈ రెండు స్మార్ట్ ఫోన్స్‌లోనూ ఒకే ఓఎల్ఈడీ డిస్‌ప్లేను అందించారు. ఇక ఈ ఫోన్‌ను ఫోల్డ్ చేసినప్పుడు 4.65 ఎంఎంతో ఉండనుంది. ఇందులో అల్ట్రా సోనిక్‌ ఫింగర్‌ ప్రింట్‌ స్కానర్‌ను అందించనున్నారు.
బ్యాటరీ విషయానికొస్తే ఎక్స్ ఫోల్డ్ 3 స్మార్ట్‌ఫోన్‌లో 80 వాట్స్‌ ఫాస్ట్ ఛార్జింగ్‌కు సపోర్ట్ చేసే 5500 ఎంఏహెచ్‌ బ్యాటరీని అందించారు. అలాగే ఫోల్డ్ 3 ప్రొ 100 డబ్ల్యూ ఫాస్ట్ చార్జింగ్‌కు సపోర్ట్ చేసే 5700 ఎంఏహెచ్‌ బ్యాటరీని అందించారు.