Vivo G2: రూ. 14వేలకే అదిరిపోయే ఫీచర్స్‌.. వివో నుంచి కొత్త స్మార్ట్ ఫోన్..
బడ్జెట్‌ మార్కెట్‌ను టార్గెట్‌ చేసుకొని కొత్త ఫోన్‌లు మార్కెట్లో సందడి చేస్తున్నాయి. ముఖ్యంగా చైనాకు చెందిన స్మార్ట్ ఫోన్ దిగ్గజ కంపెనీలు కొత్త ఫోన్‌లను మార్కెట్లోకి తీసుకొస్తున్నాయి. ఈ క్రమంలోనే తాజాగా ప్రముఖ స్మార్ట్ ఫోన్ కంపెనీ వివో మార్కెట్లోకి కొత్త ఫోన్‌ను లాంచ్‌ చేసింది. వివో జీ2 పేరుతో బడ్జెట్‌ ధరలో ఫోన్‌ను తీసుకొచ్చింది...
చైనాకు చెందిన స్మార్ట్ ఫోన్ దిగ్గజం వివో కొత్త స్మార్ట్ ఫోన్‌ను లాంచ్‌ చేసింది. వివో జీ2 పేరుతో ఈ కొత్త ఫోన్‌ను లాంచ్‌ చేసింది. ప్రస్తుతం చైనా మార్కెట్లో లాంచ్‌ అయిన ఈ ఫోన్‌ను త్వరలోనే భారత్‌తో పాటు ఇతర దేశాల్లోకి లాంచ్‌ చేయనున్నారు.
ఈ స్మార్ట్ ఫోన్ ధర విషయానికొస్తే భారత కరెన్సీలో 4 జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 14,000 కాగా.. 6 జీబీ ర్యామ్‌, 128 జీబీ స్టోరేజ్‌ ధర రూ. 17,500, ఇక 8 జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 18,700గా ఉండనుంది
వివో జీ2 స్మార్ట్ ఫోన్ ఫీచర్ల విషయానికొస్తే ఇందులో 6.56 ఇంచెస్‌తో కూడిన ఫుల్‌ హెచ్‌డీ+ ఐపీఎస్ ఎల్‌సీడీ డిస్‌ప్లేను అందించారు. 720x1,612 పిక్సెల్‌ ఈ స్క్రీన్ సొంతం. రిఫ్రెష్ రేట్ 90Hz, 89.67 శాతం స్క్రీన్-టు-బాడీ రేషియోను అందించారు.
వివో జీ2 స్మార్ట్ ఫోన్ ఆండ్రాయిడ్‌ 13 ఆరిజిన్‌ ఓఎస్‌ 3పై పనిచేస్తుంది. ఇక ఈ ఫోన్‌లో మీడియాటెక్‌ 7ఎన్‌ఎమ్‌ డైమెన్సిటీ 6020 చిప్‌సెట్‌ పనిచేస్తుంది. ఫింగర్‌ ప్రింట్‌ స్కానర్‌ను సైడ్‌కు అమర్చారు.
ఇక కెమెరా విషయానికొస్తే వివో జీ2 స్మార్ట్ ఫోన్‌లో 13 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్ఫీలు, వీడియో కాల్స్‌ కోసం 5 మెగాపిక్సెల్స్‌తో కూడిన ఫ్రంట్‌ కెమెరాను అందించారు. బ్యాటరీ విషయానికొస్తే ఇందులో 15వాట్స్‌ చార్జింగ్ సపోర్ట్‌తో 5,000mAh బ్యాటరీ ఉంటుంది.