Smartphones Under 30k: ముప్పై వేలలోపు ముచ్చటైన స్మార్ట్‌ఫోన్లు ఇవే.. ఫీచర్లు తెలిస్తే అదిరిపోతారంతే..!
ఇటీవల కాలంలో స్మార్ట్‌ఫోన్‌ వినియోగం విపరీతంగా పెరిగింది. యువత స్మార్ట్‌ఫోన్లు వాడడానికి అలవాటు పడ్డారు. గతంలో ఫోన్లు అంటే కేవలం మెసేజ్‌లు, కాల్స్‌కు మాత్రమే వినియోగించే వారు. అయితే మారుతున్న కాలానికి అనుగుణంగా అందుబాటులోకి వచ్చిన స్మార్ట్‌ఫోన్లు జీవితంలో ఓ భాగమైపోయాయి. ముఖ్యంగా స్మార్ట్‌ఫోన్‌ లేనిదే ఏ పని కాని పరిస్థితుల్లోకి వచ్చేశాం. అయితే స్మార్ట్‌ఫోన్‌ కొనుగోలు అనేది బడ్జెట్‌తో కూడుకున్న విషయంలో అయితే పిండికొద్దీ రొట్టె అనే సామెతకు అనుగుణంగా పైసల కొద్దీ ఫోన్ అని అంటున్నారు. అందువల్ల రూ.30 వేల లోపు స్టన్నింగ్‌ ఫీచర్లతో అందుబాటులో ఉన్న టాప్‌ ఫోన్ల గురించి ఓ సారి తెలుసుకుందాం.
భారతదేశంలో ఇటీవల కాలంలో స్మార్ట్‌ఫోన్‌ లవర్స్‌ను పోకో ఎఫ్‌ 5 5జీ ఫోన్ విపరీతంగా ఆకట్టుకుంటుంది. ఈ ఫోన్ 8 జీబీ +256 జీబీ, 12 జీబీ +256 జీబీ వేరియంట్స్‌లో అందుబాటులో ఉంటుంది. ఈ ఫోన్ ధర వరుసగా రూ.23,999 నుంచి రూ.26,999 వరకూ ఉంటుంది. 6.67 అంగుళాల ఫుల్‌ హెచ్‌డీ ప్లస్‌ ఎమోఎల్‌ఈడీ డిస్‌ప్లేతో వచ్చే ఈ ఫోన్ బరువు కేవలం 180 గ్రాములే. స్నాప్‌డ్రాగన్‌ 888 ప్లస్‌ చిప్‌సెట్‌తో వచ్చే ఈ ఫోన్‌లో 64 ఎంపీ ప్రైమరీ కెమెరాతో పాటు 16 ఎంపీ సెల్ఫీ కెమెరా ఉంది. 67 వాట్స్‌ ఫాస్ట్‌ చార్జింగ్‌కు మద్దుతునిచ్చేలా 5000 ఎంఏహెచ్‌ బ్యాటరీ ఈ ఫోన్ ప్రత్యేకతలు.
వన్‌ ప్లస్‌ 10 ఆర్‌ ఫోన్ 8 జీబీ + 256 జీబీ వేరియంట్‌ రూ.27,999కు కొనుగోలుకు అందుబాటులో ఉంది. ఈ ఫోన్ మీడియా టెక్‌ డైమెన్సిటీ 8100 చిప్‌సెట్‌ ద్వారా పని చేస్తుంది. 6.7 అంగుళాల ఫుల్‌ హెచ్‌డీ ప్లస్‌ ఎమోఎల్‌ఈడీ డిస్‌ప్లేతో వచ్చే ఈ ఫోన్‌లో 50 ఎంపీ ప్రైమరీ కెమెరాతో పాటు 32 ఎంపీ సెల్ఫీ కెమెరా ఉంది. 80 వాట్స్‌ ఫాస్ట్‌ చార్జింగ్‌కు సపోర్ట్‌ చేసే 5000 ఎంఏహెచ్‌ బ్యాటరీ ఈ ఫోన్ ప్రత్యేకత.
రియల్‌మీ 11 ప్రో ప్లస్‌ ఫోన్ కేవలం రూ.25,999కు అందుబాటులో ఉంటుంది. ఈ ఫోన్‌లో ఉండే 200 ఎంపీ ప్రైమరీ కెమెరా వినియోగదారులను ఆకట్టుకుంటుంది. వీటితో పాటు 8 ఎంపీ అల్ట్రా-వైడ్ కెమెరా, 2 ఎంపీ మాక్రో కెమెరాతో పాటు 32 ఎంపీ సెల్ఫీ కెమెరా ఈ ఫోన్ ప్రత్యేకతలు. అలాగే ఈ ఫోన్ మీడియా టెక్‌ డైమెన్సిటీ 750 ప్రాసెసర్‌ ద్వారా పని చేస్తుంది. 8 జీబీ + 256 జీబీ వేరియంట్‌లో వచ్చే ఈ ఫోన్‌లో 100 వాట్స్‌ సూపర్‌ వూక్‌ చార్జింగ్‌కు సపోర్ట్‌ చేసేలా 5000 ఎంఏహెచ్‌ బ్యాటరీతో వస్తుంది.
టెక్నో క్యామాన్‌ 20 ప్రీమియర్ 5జీ ఫోన్ అధునాతన ఫీచర్లతో వస్తుంది. బడ్జెట్‌లో టెక్నో కెమాన్‌ 20 ప్రీమియం లుక్‌తో వస్తుంది. ఈ ఫోన్ రూ.28,999కు కొనుగోలుకు అందుబాటులో ఉంది. సెన్సార్-షిఫ్ట్ ఓఐఎస్‌ సపోర్ట్‌ చేసేలా 50 ఎంపీ ప్రైమరీ కెమెరాతో పని చేసే ఈ ఫోన్ ఆటో-ఫోకస్‌తో 108 ఎంపీ అల్ట్రా-వైడ్ కెమెరాతో వస్తుంది. ముఖ్యంగా సెల్ఫీ ప్రియుల కోసం 32 ఎంపీ ఫ్రంట్ కెమెరా ఈ ఫోన్ ప్రత్యేకత. ఈ ఫోన్ మీడియా టెక్‌ డైమెన్సిటీ 8050 చిప్‌ సెట్‌తో పని చేస్తుంది. అలాగే 6.67 అంగుళాల ఫుల్‌ హెచ్‌డీ ప్లస్‌ ఎమోఎల్‌ఈడీ డిస్‌ప్లేతో పని చేసే ఈ ఫోన్ 45 వాట్స్‌ ఫాస్ట్‌ చార్జింగ్‌ సపోర్ట్‌ చేసేలా 5000 ఎంఏహెచ్‌ బ్యాటరీతో వస్తుంది.
మోటోరోలా ఎడ్జ్‌ 40 ఫోన్ రూ.26,999కు కొనుగోలుకు సిద్ధంగా ఉంది. బడ్జెట్‌ ధరలో ప్రీమియం ఫోన్ కోరుకునే ఈ ఫోన్ అనువుగా ఉంటుంది. 8 జీబీ +256 జీబీ వేరియంట్‌లో వచ్చే ఈ ఫోన్ 6.55 అంగుళాల పీఓఎల్‌ఈడీ డిస్‌ప్లేతో వస్తుంది. మీడియా టెక్‌ డైమెన్సిటీ 8020 ఎస్‌ఓసీ ప్రాసెసర్‌తో పని చేసే ఈ ఫోన్‌లో 50 ఎంపీ ప్రైమరీ కెమెరాతో పాటు 32 ఎంపీ సెల్ఫీ కెమెరా ఉంది. అలాగే ఈ ఫోన్ 68 వాట్స్‌ ఫాస్ట్‌చార్జింగ్‌కు మద్దతునిచ్చేలా 4400 ఎంఏహెచ్‌ బ్యాటరీతో వస్తుంది.