Tecno Pova 6 Pro 5G: రూ. 15వేలోనే 108 ఎంపీ కెమెరా.. మార్కెట్లోకి కొత్త స్మార్ట్ ఫోన్
బడ్జెట్‌ ధరను టార్గెట్ చేస్తూ మార్కెట్లోకి కొత్త స్మార్ట్ ఫోన్‌లు సందడి చేస్తున్నాయి. మరీ ముఖ్యంగా చైనాకు చెందిన స్మార్ట్ ఫోన్ దిగ్గజ సంస్థలు వరుసగా కొంగొత్త ఫోన్‌లను లాంచ్‌ చేస్తున్నాయి. ఈ క్రమంలోనే తాజాగా చైనాకు చెందిన స్మార్ట్ ఫోన్ దిగ్గజం టెక్నో మార్కెట్లోకి కొత్త ఫోన్‌ను తీసుకొస్తోంది. టెక్నో పోవా 6ప్రో పేరుతో తీసుకొస్తున్న ఈ 5జీ ఫోన్‌ను సోమవారం బార్సిలోనాలో..
చైనాకు చెందిన ప్రముఖ స్మార్ట్ ఫోన్ దిగ్గజం టెక్నో కొత్త ఫోన్‌ను తీసుకొచ్చింది. టెక్నో పోవా 6 ప్రో పేరుతో ఈ కొత్త ఫోన్‌ను లాంచ్‌ చేశారు. త్వారలోనే మార్కెట్లోకి రానున్న ఈ ఈ స్మార్ట్ ఫోన్ మీడియాటెక్‌ డైమెన్సిటీ 6080 ఎస్వోసీ చిప్‌సెట్ ప్రాసెసరత్‌తో పనిచేస్తుంది.
ఇక ఈ ఫోన్‌లో 70 వాట్స్‌ చార్జింగ్‌కు సపోర్ట్ చేసే 6000 ఎంఏహెచ్ కెపాసిటీ గల బ్యాటరీని అందించనున్నారు. ఇక కెమెరా విషయానికొస్తే ఇందులో 108 మెగాపిక్సెల్‌ ప్రైమరీ కెమెరాను అందించానున్నారు. అలాగే సెల్ఫీలు, వీడియో కాల్స్ కోసం 32 మెగా పిక్సెల్స్‌లో కూడిన ఫ్రంట్‌ కెమెరాను ఇవ్వనున్నారు. సెల్ఫీ కెమెరాకు ఎల్‌ఈడీ ఫ్లాష్‌ను అందించానున్నారు.
ఈ ఫోన్ డాల్బీ ఆట్మోస్ స్పాషియల్ సౌండ్‌కు సపోర్ట్ చేస్తుంది. టెక్నో పొవా 5 ప్రో ఫోన్ కొనసాగింపుగా ఈ స్మార్ట్ ఫోన్‌ను లాంచ్‌ చేయనున్నారు. ఇక ధర విషయానికొస్తే 8 జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 14,999గా ఉండనుంది.
6.78 ఇంచెస్‌తో కూడిన ఫుల్‌ హెచ్‌డీ+ అమోఎల్‌ఈడీ డిస్‌ప్లేను ఇవ్వనున్నారు. ఆండ్రాయిడ్ 14 బేస్డ్ హెచ్ఐ ఓఎస్ 14 వర్షన్ పై ఈ ఫోన్ పనిచేస్తుంది. సెల్ఫీలు, వీడియో కాల్స్ కోసం ఫ్రంట్‌లో వచ్చే కెమెరా హోల్ పంచ్ కటౌట్‌ను అందించనున్నారు.
ఈ స్మార్ట్ ఫోన్‌లో 70 వాట్ల చార్జింగ్, 10వాట్ల రివర్స్ చార్జింగ్ మద్దతుతో 6000 ఎంఏహెచ్ కెపాసిటీ గల బ్యాటరీని ఇవ్వనున్నారు. 20 నిమిషాల్లో 50 శాతం పూర్తవుతుంది. గేమింగ్ కోసం 11 గంటలకు పైగా, వీడియో స్ట్రీమింగ్ కోసం 14 గంటలకు పైగా, కాలింగ్ కోసం 31 గంటలకు పైగా బ్యాటరీ లైఫ్ ఉంటుంది.