Tecno Phantom V Fold 2: అదిరేపోయే డిజైన్‌తో టెక్నో కొత్త ఫోల్డబుల్‌ స్మార్ట్‌ ఫోన్‌..
ప్రస్తుతం మార్కెట్లో ఫోల్డబుల్‌, ఫ్లిప్‌ ఫోన్‌లకు ఆదరణ పెరుగుతోంది. దీంతో చాలా వరకు స్మార్ట్‌ ఫోన్‌ తయారీ కంపెనీలు మార్కెట్లోకి కొంగొత్త ఫోన్‌లను తీసుకొస్తున్నాయి. ఈ క్రమంలోనే తాజాగా టెక్నో ఫామంట్‌ వీ ఫోల్డ్‌ పేరుతో ఫోల్డబుల్‌ స్మార్ట్‌ ఫోన్‌ను తీసుకొస్తోంది. ఇంతకీ ఫోన్‌లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్‌ ఫోన్‌ తయారీ సంస్థ టెక్నో తాజాగా కొత్త ఫోన్‌ను లాంచ్‌ చేస్తోంది. టెక్నో ఫాంటం వీ ఫోల్డ 2 పేరుతో ఈ ఫోనను తీసుకొచ్చేందుకు సన్నాహాలు చేస్తున్నారు. త్వరలోనే గ్లోబల్‌ మార్కెట్‌తో పాటు భారత్‌లో కూడా ఈ ఫోన్‌ను తీసుకొచ్చే అవకాశాలు ఉన్నట్లు తెలుస్తోంది.
ధర విషయానికొస్తే ఈ స్మార్ట్‌ ఫోన్‌ ప్రారంభ వేరియంట్‌ ధర రూ. 92000 నుంచి ఉండొచ్చని అంచనా వేస్తున్నారు. ఈ ఫోన్‌ను మొత్తం మూడు కలర్‌ వేరియంట్సలో తీసుకొచ్చే అవకాశాలు ఉన్నట్లు తెలుస్తోంది
ఫీచర్ల విషయానికొస్తే టెక్నో ఫాంటం వీ ఫోల్డ్‌ 2 స్మార్ట్‌ ఫోన్‌ డైమెన్సిటీ 9000 ప్లస్‌ చిప్‌సెట్‌తో పనిచేయనుందని తెలుస్తోంది. ఈ ఫోన్‌ను 128 జీబీ ర్యామ్‌, 512 జీబీ ర్యామ్‌ వేరియంట్‌తో తీసుకొస్తున్నారు. అలాగే ఈ ఫోన్‌ 5750 ఎమ్‌ఏహెచ్‌ బ్యాటరీతో పనిచేస్తుంది.
ఇక ఈ ఫోన్‌లో 6.42 ఇంచెస్‌తో కూడిన ఫుల్‌ హెచ్‌డీ+ అమోఎల్‌ఈడీ ఎల్‌టీపీఓ అవుటర్ డిస్‌ప్లేను ఇవ్వనున్నారు. ఈ స్క్రీన్‌ 2550x1080 పిక్సెల్ రిజల్యూషన్ సెటప్‌తో అందుబాటులోకి రానుందని తెతలుస్తోంది.
మరో స్క్రీన్‌ను 7.85 ఇంచెస్‌తో రానుందని సమాచారం. స్క్రీన్‌ 2కే రిజల్యూషన్‌తో రానుంది. కెమెరా విషయానికొస్త ఇందులో.. 32-మెగాపిక్సెల్ ప్రధాన కెమెరాను ఇవ్వనున్నారు. ఆప్టికల్ ఇమేజ్ స్టెబిలైజేషన్ (OIS) సపోర్ట్ ఇవ్వనున్నారు.