Redmi 10: రూ. 10 వేలకే 50 మెగాపిక్సెల్‌ కెమెరా.. రెడ్‌మీ 10 స్మార్ట్‌ ఫోన్ ఫీచర్లపై ఓ లుక్కేయండి..
Redmi 10: చైనాకు చెందిన ప్రముఖ స్మార్ట్‌ ఫోన్ దిగ్గజం రెడ్‌మీ తాజాగా భారత మార్కెట్లోకి రెడ్‌మీ 10 పేరుతో ఓ స్మార్ట్‌ ఫోన్‌ను లాంచ్‌ చేసింది. తక్కువ బడ్జెట్‌లోనే అదిరిపోయే ఫీచర్లతో తీసుకొచ్చిన ఈ స్మార్ట్‌ ఫోన్‌పై ఓ లుక్కేయండి..
ఇటీవల వరుసగా కొత్త ఫోన్‌లను విడుదల చేస్తూ వస్తోన్న స్మార్ట్‌ ఫోన్ దిగ్గజ సంస్థ రెడ్‌మీ తాజాగా భారత మార్కెట్లోకి రెడ్‌ 10 మోడల్‌ను లాంచ్‌ చేసింది. మార్చి 24 నుంచి ఫ్లిప్‌కార్ట్‌తో పాటు, ఎమ్‌ఐ వెబ్‌సైట్‌లో అందుబాటులో ఉండనుంది.
ధర విషయానికొస్తే 4జీబీ ర్యామ్‌+128 జీబీ స్టోరేజ్‌ ఫోన్ రూ. 9,999, 6 జీబీ ర్యామ్‌+128 జీబీ స్టోరేజ్‌ రూ. 11,999కి అందుబాటులో ఉండనుంది. ఈ స్మార్ట్‌ ఫోన్ ఆండ్రాయిడ్‌ 11 ఆపరేటింగ్‌ సిస్టమ్‌పై పనిచేస్తుంది.
ఈ ఫోన్‌లో 6.71 ఇంచెస్‌ హెచ్‌డీ డిస్‌ప్లేతో పాటు కార్నింగ్‌ గొరిల్లా గ్రాస్‌ 3 ప్రొటెక్షన్‌ను అందించారు. స్నాప్‌ డ్రాగన్‌ 680 ప్రాసెసర్‌తో పనిచేసే ఈ ఫోన్‌లో రామ్‌ బూస్టర్‌ను సైతం అందించారు. దీంతో 2జీబీ వరకు ర్యామ్‌ను పెంచుకోవచ్చు.
కెమెరాకు అధిక ప్రాధాన్యతను ఇచ్చిన రెడ్‌మీ 10 స్మార్ట్‌ ఫోన్‌లో 50 మెగాపిక్సెల్‌ రెయిర్‌ కెమెరాతోపాటు, సెల్ఫీల కోసం 5 మెగా పిక్సెల్‌ ఫ్రంట్‌ కెమెరాను అందించారు.
బ్యాటరీ విషయానికొస్తే ఇందులో 10 వాట్‌ ఛార్జింగ్ సపోర్ట్‌ చేసే 6000 ఎంఏహెచ్‌ బ్యాటరీని అందించారు. కనెక్టివిటీలో భాగంగా 4జీ ఎల్‌టీఈ, వైఫై, యూఎస్‌బీ టైప్‌సీ పోర్ట్, 3.5ఎంఎం హెడ్‌ఫోన్ జాక్ ఉన్నాయి.