Redmi pad: బడ్జెట్‌ ధరలో ట్యాబ్లెట్‌ను తీసుకొచ్చిన రెడ్‌మీ.. ఫీచర్లు తెలిస్తే ఫిదా అవ్వాల్సిందే..
తక్కువ ధరలో బడ్జెట్‌ ఫోన్‌లను తీసుకొస్తూ యూజర్లను ఆకట్టుకుంటూ వస్తోన్న రెడ్‌మీ తాజాగా ట్యాబ్లెట్‌ను లాంచ్‌ చేసింది. ఈ ట్యాబ్లెట్‌ను కూడా బడ్జెట్‌ ధరలోనే తీసుకురావడం విశేషం. రెడ్‌మీ ప్యాడ్‌ ట్యాబ్లెట్‌ ఫీచర్లపై ఓ లుక్కేయండి..
చైనాకు చెందిన ప్రముఖ ఎలక్ట్రానిక్‌ సంస్థ రెడ్‌మీ బడ్జెట్‌ ధరలో ట్యాబ్లెట్‌ను లాంచ్‌ చేసింది. రెడ్‌మీ ప్యాడ్‌ పేరుతో తీసుకొచ్చిన ఈ ట్యాబ్‌లో మంచి ఫీచర్లను అందించారు.
ఈ ట్యాబ్‌లో 10.6 ఇంచెస్‌ ఎల్‌సీడీ స్క్రీన్‌ను అందించారు. 2000/1200 పిక్సెల్స్‌ రెజల్యూషన్‌, 400 నిట్స్‌ పీక్‌ బ్రైట్‌నెస్‌తో స్క్రీన్‌ను రూపొందించారు.
ఇక ఈ ట్యాబ్‌లో నీరు, దుమ్మును తట్టుకునే విషయంలో ఐపీ52 రెసిస్టెంట్స్‌ను అందించారు. సౌండ్‌ కోసం నాలుగు డైనమిక్‌ స్పీకర్లను అందించారు. ఇందులో 18 వాట్స్‌ చార్జింగ్‌కు సపోర్ట్‌ చేసే 8000 ఎంఏహెచ్‌ బ్యాటరీని అందించారు.
ఈ ట్యాబ్లెట్‌లో మీడియాటెక్‌ డైమెన్సిటీ జీ99 ప్రాసెసర్‌ను అందించారు. అయితే ఇందులో సిమ్‌ కార్డు స్లాట్ ఇవ్వలేదు. కెమెరా విషయానికొస్తే ఇందులో 8 మెగాపిక్సెల్ రెయిర్‌ కెమెరా, 8 ఎంపీ ఫ్రంట్‌ కెమెరాను ఇచ్చారు.
1080పీ వీడియోలను రికార్డ్‌ చేసుకునే కెమెరాను ఇందులో అందించారు. ట్యాబ్లెట్‌ను మొత్తం మూడు వేరియంట్స్‌లో తీసుకొచ్చారు. ప్రారంభ ధర రూ. 14,000కి అందుబాటులో ఉంది.