Realme Narzo N63: రూ. 8వేలలో కళ్లు చెదిరే ఫీచర్లు.. అమెజాన్లో భారీ డీల్..
స్మార్ట్ఫోన్ కంపెనీల మధ్య నెలకొన్న పోటీ నేపథ్యంలో ధరలు భారీగా తగ్గుముఖం పడుతున్నాయి. ముఖ్యంగా రూ. 10 వేలలోపు మార్కెట్ను టార్గెట్ చేసుకొని కంపెనీలు కొంగొత్త ఫోన్లను తీసుకొస్తున్నాయి. ఈ క్రమంలోనే తాజాగా భారత మార్కెట్లోకి కొత్తగా రియల్మీ నార్జో ఎన్63 పేరుతో కొత్త ఫోన్ను తీసుకొచ్చింది. ఇంతకీ ఈ ఫోన్లో ఎలాంటి ఫీచర్లు ఉన్నాయి.? ధర ఎంత.? ఇప్పుడు తెలుసుకుందాం..
చైనాకు చెందిన స్మార్ట్ ఫోన్ దిగ్గజం రియల్ మీ భారత్లో కొత్త ఫోన్ సేల్స్ను ప్రారంభించింది. రియల్మీ నార్జో ఎన్63 పేరుతో ఈ ఫోన్ను అమెజాన్తో పాటు రియల్మీ అధికారిక వెబ్సైట్లో అందుబాటులోకి తీసుకొచ్చారు. ప్రీమియం లేగన్ వెదర్ ఆప్షన్తో ఈ ఫోన్ను లాంచ్ చేశారు.
ధర విషయానికొస్తే 4 జీబీ ర్యామ్, 64 జీబీ స్టోరేజ్ వేరియంట్ ధర రూ. 8,499కాగా, 4 జీబీ ర్యామ్, 128 జీబీ స్టోరేజ్ వేరియంట్ ధర రూ. 8,999గా నిర్ణయించారు. రియల్మీ అధికారిక వెబ్సైట్ నుంచి కొనుగోలు చేస్తే రూ. 500 డిస్కౌంట్తో పొందొచ్చు. దీంతో ఈ ఫోన్నురూ. 7,999కే సొంతం చేసుకోవచ్చు.
ఫీచర్ల పరంగా చూస్తే ఈ స్మార్ట్ ఫోన్లో 50 మెగాపిక్సెల్స్తో కూడిన రెయిర్ కెమెరాను అందించారు. అలాగే సెల్ఫీలు, వీడియో కాల్స్ కోసం ఇందులో 8 మెగాపిక్సెల్స్తో కూడిన ఫ్రంట్ కెమెరాను అందించారు.
ఇక రియల్మీ నార్జో ఎన్63 స్మార్ట్ఫోన్లో 63 వాట్స్కు సపోర్ట్ చేసే 5000 ఎంఏహెచ్ బ్యాటరీని అందించారు. అలాగే ఈ బ్యాటరీ 45 వాట్స్ వైర్డ్ ఫాస్ట్ ఛార్జింగ్కు సపోర్ట్ చేస్తుంది. మైక్రో ఎస్డీ కార్డు ద్వారా స్టోరేజీని పెంచుకోవచ్చు. కనెక్టివిటీ విషయానికొస్తే ఇందులో వైఫై, 4జీ వోల్ట్, బ్లూటూత్ వీ5.0, జీపీఎస్, గ్లోనాస్ వంటి ఫీచర్లను అందించారు.
ఈ ఫోన్లో 6.74 ఇంచెస్తో కూడిన ఫుల్హెచ్డీ+ ఐపీఎస్ ఎల్సీడీ స్క్రీన్ను అందించారు. ఇందులో 6.74 అంగుళాల హెచ్డీ+ ఐపీఎస్ ఎల్సీడీ స్క్రీన్ను కంపెనీ అందించింది. ఈ స్మార్ట్ ఫోన్ స్క్రీన్ రిఫ్రెష్ రేట్ 90 హెర్ట్జ్ కాగా, టచ్ శాంప్లింగ్ రేట్ 180 హెర్ట్జ్గా ఉంది. యూనిసోక్ టీ612 ప్రాసెసర్పై రియల్మీ నార్జో ఎన్63 పని చేయనుంది. 4 జీబీ వరకు ఎల్పీడీడీఆర్4ఎక్స్ ర్యామ్, 128 జీబీ స్టోరేజ్ కూడా ఇందులో అందుబాటులో ఉంది.