Realme C53: 108 ఎంపీ కెమెరాతో రియల్‌మీ కొత్త ఫోన్‌.. ధర ఎంతో తెలుసా.?
తక్కువ ధరలో మంచి ఫీచర్లతో కూడిన స్మార్ట్ ఫోన్‌లు మార్కెట్లో సందడి చేస్తున్నాయి. మరీ ముఖ్యంగా రూ. 10 వేల లోపు బడ్జెట్‌ ఫోన్‌లు ప్రస్తుతం ఎక్కువగా లాంచ్‌ అవుతున్నాయి. ఈ క్రమంలోనే తాజాగా చైనాకు చెందిన స్మార్ట్‌ఫోన్‌ దిగ్గజం రియల్‌ మీ కొత్త ఫోన్‌ను లాంచ్‌ చేస్తోంది. రియల్‌మీ సీ53 పేరుతో ఈ ఫోన్‌ను తీసుకొస్తున్నారు. ఈ ఫోన్‌లో ఎలాంటి ఫీచర్లు ఉన్నాయి.? ధర ఎంతో ఇప్పుడు తెలుసుకుందాం..
చైనాకు చెందిన స్మార్ట్‌ఫోన్‌ దిగ్గజం రియల్‌మీ త్వరలోనే కొత్త ఫోన్‌ను లాంచ్‌ చేస్తోంది. రియల్‌మీ సీ53 పేరుతో ఈ ఫోన్‌ను తీసుకొస్తున్నారు. బడ్జెట్‌ ధరలో మంచి ఫీచర్లతో ఈ ఫోన్‌ను లాంచ్‌ చేయనున్నారు. ఈ ఫోన్‌కు సంబంధించిన పూర్తి వివరాలు మీకోసం..
ఈ ఫోన్‌లో 6.74 ఇంచెస్‌తో కూడిన హెచ్‌డీ ఎల్‌సీడీ డిస్‌ప్లేను అందించనున్నారు. గేమ్స్‌ ఆడుకోవడానికి, వీడియోలు చూడడానికి ఈ స్క్రీన్‌ సరిగ్గా సరిపోతుంది. అలాగే ఈ స్క్రీన్‌ 90 హెచ్‌జెడ్‌ రిఫ్రెష్‌ రేట్‌తో తీసుకొచ్చారు.
ఇక రియల్‌మీ సీ53 స్మార్ట్ ఫోన్‌ యూనిసోక్‌ టీ612 ప్రాసెసర్‌తో పనిచేస్తుంది. దీంతో మల్టీ టాస్కింగ్ సులభంగా ఉంటుంది. గేమ్స్‌ ఆడుకునే వారికి కూడా బెస్ట్ ఆప్షన్‌గా చెప్పొచ్చు.
కెమెరాకు అధిక ప్రాధాన్యత ఇచ్చిన ఈ ఫోన్‌లో 108 మెగాపిక్సెల్స్‌తో కూడిన 108 మెగాపిక్సెల్‌ రెయిర్‌ కెమెరాను ఇవ్వనున్నారని తెలుస్తోంది. అయితే ఫ్రంట్ కెమెరాకు సంబంధించిన వివరాలు తెలియాల్సి ఉంది. ఇక ఈ ఫోన్‌లో 5000 ఎమ్‌ఏహెచ్ బ్యాటరీని ఇవ్వనున్నారు.
ధర విషయానికొస్తే 4జీబీ ర్యామ్‌, 128 జీబీ స్టోరేజ్‌ వేరియంట్ ధర రూ. 8,999కాగా, 6జీబీ ర్యామ్‌, 64 జీబీ స్టోరేజ్‌ ధర రూ. 7499కాగా, 6జీబీ ర్యామ్‌, 128 జీబీ స్టోరేజ్‌ ధర రూ. 9,199గా ఉండనుందని తెలుస్తోంది.