రోజుకో కొత్త ఫీచర్తో ఫోన్లు సందడి చేస్తున్నాయి. బడ్జెట్ మార్కెట్తో పాటు ప్రీమియం మార్కెట్ను టార్గెట్ చేసుకొని ఫోన్లు మార్కెట్లోకి వస్తున్నాయి. ఈ నేపథ్యంలో ప్రస్తుతం మార్కెట్లోకి కొన్ని కొత్త ఫోన్స్ అందుబాటులోకి వస్తున్నాయి. ఈ వారం లాంచ్ అవుతున్న కొన్ని ఫోన్స్, వాటి ఫీచర్లు, ధర వివరాలు ఇప్పుడు తెలుసుకుందాం.
Honor 200 Series: జూన్ 13వ తేదీన హానర్ 200 సిరీస్ను లాంచ్ చేయనున్నారు. తొలుత చైనాలో లాంచ్ కానున్న ఈ ఫోన్ భారత మార్కెట్లోకి ఎప్పుడు వస్తుందన్నదానిపై ఇంకా క్లారిటీ లేదు. కాగా హానర్ 200 సిరీస్లో భాగంగా హానర్ 200, హానర్ 200 ప్రో ఫోన్లను లాంచ్ చేస్తున్నారు. ఇందులో స్నాప్డ్రాగన్ 8 జెన్ 3 ఎస్ఓసీని అందించనున్నారు. పూర్తి వివరాలు లాంచింగ్ రోజు తెలియనున్నాయి.
Honor Magic V Flip: ఈ వారంలో వస్తున్న మరో ఫోన్ హానర్ మ్యాజిక్ వీ ఫ్లిప్. ఈ ఫోన్ను జూన్ 13వ తేదీన తొలుత చైనాలో లాంచ్ చేయనున్నారు. ఈ ఫోన్లో 3.4 ఇంచెస్తో కూడిన కవర్ డిస్ప్లే, 6.7 ఇంచెస్తోకూడిన మెయిన్ డిస్ప్లేను ఇస్తున్నారు. ఇందులో 4500 ఎమ్ఏహెచ్ బ్యాటరీ ఇవ్వనున్నట్లు అంచనా. ఇక ఈ ఫోన్ స్నాప్డ్రాగన్ 8 జెన్ 3 ప్రాసెసర్ను అందించారు.
Oppo F27 pro plus 5G: ఒప్పో ఎఫ్27 ప్రో ప్లస్ స్మార్ట్ ఫోన్ను జూన్ 13వ తేదీన లాంచ్ చేయనున్నారు. ఈ ఫోన్లో ఐపీ69 రేటింగ్తో వాటర్ రెసిస్టెంట్ను అందించారు. ఇక ఫోన్ ఫిజికల్ డ్యామేజ్ కాకుండా 360 డిగ్రీల ఆర్మర్ బాడీని అందించారు. అలాగే డిస్ప్లే కోసం గొరిల్లా గ్లాస్ విక్టస్2ని అందించారు.
Xiaomi 14 CIVI: ఈ వారం అందుబాటులోకి వస్తున్న మరో షావోమీ 14 సివి. ఈ ఫోన్ను జూన్ 12వ తేదీన లాంచ్ చేయనున్నారు. ఇందులో 50 మెగాపిక్సెల్స్తో కూడిన రెయిర్ కెమెరాను అందించారు. ఇక ఈ ఫోన్ క్వాల్కమ్ స్నాప్డ్రాగన్ 8ఎస్ జెన్3 ఎస్ఓసీ ప్రాసెసర్ను అందించనున్నారు.