OnePlus Nord CE 4: వన్ప్లస్ నుంచి మరో బడ్జెట్ ఫోన్‌.. రూ. 25 వేలలోనే..
ప్రముఖ ఎలక్ట్రానిక్‌ దిగ్గజం వన్‌ప్లస్‌కు మార్కెట్లో ఎలాంటి క్రేజ్‌ ఉందో ప్రత్యేకంగా చెప్పాల్సిన పనిలేదు. మొదట్లో ప్రీమియం మార్కెట్‌ను టార్గెట్ చేసుకొని స్మార్ట్ ఫోన్‌లను తీసుకొచ్చిన వన్ప్లస్ తాజాగా బడ్జెట్ ధరలో ఫోన్‌లను విడుదల చేస్తూ వస్తోంది. ఇప్పటికే పలు బడ్జెట్ ఫోన్‌లను తీసుకొచ్చిన వన్ప్లస్ తాజాగా మరో బడ్జెట్ ఫోన్‌ను లాంచ్‌ చేసింది. ఈ ఫోన్‌లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
చైనాకు చెందిన స్మార్ట్ ఫోన్‌ దిగ్గజం వన్ప్లస్ మార్కెట్లోకి కొత్త ఫోన్‌ను లాంచ్‌ చేస్తోంది. వన్ప్లస్ నార్డ్‌ సీఈ 4 పేరుతో ఈ ఫోన్‌ను తీసుకొస్తున్నారు. ఏప్రిల్‌ 1వ తేదీన లాంచ్‌ చేయనున్న ఈ ఫోన్‌లో ఎలాంటి ఫీచర్లు ఉండనున్నాయో మీకోసం.
వన్ప్లస్ నార్డ్‌ సీఈ4 స్మార్ట్ ఫోనన్‌లో క్వాల్ కామ్ స్నాప్ డ్రాగన్ 7 జెన్ 3 ప్రాసెసర్‌ను అందించనున్నారు. ఈ ఫోన్‌ ధరకు సంబంధించి ఎలాంటి అధికారిక ప్రకటన చేయకపోయినప్పటికీ ప్రారంభ వేరియంట్‌ రూ. 25వేలలో ఉండొచ్చని అంచనా వేస్తున్నారు.
ఫీచర్ల విషయానికొస్తే ఈ స్మార్ట్ ఫోన్‌లో 6.7 ఇంచెస్‌తో కూడిన అమోఎల్‌ఈడీ స్క్రీన్‌ను అందించనున్నారు. కెమెరా విషయానికొస్తే ఈ స్మార్ట్ ఫోన్‌లో 50 మెగాపిక్సెల్స్‌తో కూడిన రెయిర్‌ కెమెరాతో పాటు సెల్ఫీలు, వీడియో కాల్స్‌ కోసం 8 మెగాపిక్సెల్స్‌తో కూడిన ఫ్రంట్‌ కెమెరాను అందించనున్నారు.
ఈ ఫోన్‌ను 8 ఈజబీ ర్యామ్‌, 256 జీబీ స్టోరేజ్‌తో తీసుకురానున్నారు. అలాగే మైక్రో ఎస్డీ కార్డు ద్వారా స్టోరేజీని వన్‌ టిబీ వరకు పెంచుకోవచ్చు. ఈ ఫోన్‌ అమెజాన్‌లో అందుబాటులోకి రానుంది.
ఏప్రిల్‌ 1వ తేదీ నుంచి అమెజాన్‌ వెబ్‌సైట్‌లో ఈ ఫోన్‌ అందుబాటులోకి రానుంది. లాంఛింగ్ ఆఫర్‌లో భాగంగా ఈ స్మార్ట్ ఫోన్‌పై డిస్కౌంట్‌ అందించనున్నారని తెలుస్తోంది.