NoiseFit: నాయిస్ నుంచి రెండు కొత్త స్మార్ట్ వాచ్లు.. ఫీచర్స్ అదుర్స్ అంతే..
ప్రముఖ గ్యాడ్జెట్ కంపెనీ నాయిస్ మార్కెట్లోకి రెండు స్మార్ట్ వాచ్లను లాంచ్ చేసింది. నాయిస్ ఫిట్ ఫ్యూజ్ ప్లస్, నాయిస్ ఫిట్ ట్విస్ట్ ప్రో పేర్లతో ఈ వాచ్లను తీసుకొచ్చారు. ఇంతకీ ఈ వాచ్లలో ఎలాంటి ఫీచర్లు ఉన్నాయి.? ధర ఎంత లాంటి వివరాలు మీకోసం..
ప్రముఖ ఎలక్ట్రానిక్ గ్యాడ్జెట్ కంపెనీ నాయిస్ తాజాగా మార్కెట్లోకి కొత్త స్మార్ట్ వాచ్లను లాంచ్ చేసింది. నాయిస్ ఫిట్ ఫ్యూజ్ ప్లస్, నాయిస్ ఫిట్ ట్విస్ట్ ప్రో పేరుతో రెండు వాచ్లను తీసుకొచ్చారు.
ఈ స్మార్ట్ ఫోన్ల ధర రూ. 2199 నుంచి ప్రారంభం కానున్నాయి. జులై 8వ తేదీ నుంచి అమెజాన్లో అందుబాటులోకి రానుంది. ఈ స్మార్ట్ ఫోన్స్లో ఎన్నో అధునాతన ఫీచర్లను అందించారు.
ఫ్యూజ్ ప్లస్ వాచ్లో 1.43 ఇంచెస్ హెచ్ అమోఎల్ఈడీ డిస్ప్లేను అందించారు. ఇందులో 100కిపైగా క్లౌడ్ వాచ్ ఫేస్లను ఇచ్చారు. అలాగే 24/7 హార్ట్ సెన్సార్, హెల్త్ ట్రాకర్ వంటి ఫీచర్లను అందించారు.
బ్యాటరీ విషయానికొస్తే ఇందులో 300 ఎమ్ఏహెచ్ బ్యాటరీని ఇచ్చారు. 2 గంటల్లో ఫుల్ ఛార్జ్ కావడం ఈ స్మార్ట్ వాచ్ ప్రత్యేకత. 60కిపైగా స్పోర్ట్స్ మోడల్స్ ఈ వాచ్ సొంతం.
నాయిస్ ఫిట్ ట్విస్ట్ ప్రో వాచ్లో 240×240 రిజల్యూషన్తో కూడిన 1.4 ఇంచెస్ హెచ్డీ అమోఎల్ఈడి డిస్ప్లేను ఇచ్చారు. ఈ వాచ్ను ఒక్కసారి చార్జ్ చేస్తే 7 రోజుల వరకు పనిచేస్తుంది.