ప్రముఖ ఎలక్ట్రానిక్ దిగ్గజం మోటోరోలో మార్కెట్లోకి కొత్త స్మార్ట్ ఫోన్ను తీసుకొస్తోంది. మోటో జీ స్టైలస్ 2024 పేరుతో కొత్త ఫోన్ను త్వరలోనే మార్కెట్లోకి లాంచ్ చేయనున్నారు. ఈ ఫోన్కు సంబంధించిన ఫొటోలు విశేషంగా ఆకట్టుకుంటున్నాయి.
ఇక కంపెనీ ఈ ఫోన్ ఫీచర్లకుకు సంబంధించి ఇప్పటి వరకు ఎలాంటి అధికారిక ప్రకటన చేయకపోయిన్పటికీ. నెట్టింట కొన్ని ఫీచర్లు లీక్ అవుతున్నాయి. వాటి ప్రకారం ఈ ఫోన్లో ఎలాంటి పీచర్స్ ఉండనున్నాయో ఇప్పుడు చూద్దాం.
మోటో జీ స్టైలస్ 2024 స్మార్ట్ ఫోన్లో పాత మోడల్తో పోల్చితే అధునాతన ఫీచర్లను అందించనున్నట్లు తెలుస్తోంది. ఈ ఏడాది చివరి నాటికి ఈ స్మార్ట్ ఫోన్ సేల్ ఫ్రారంభం కానుందని తెలుస్తోంది.
ఇక ఈ స్మార్ట్ ఫోన్లో 6.5 ఇంచెస్తో కూడిన ఫుల్హెచ్డీ+ ఐపీఎస్ ఎల్సీడీ డిస్ప్లేను ఇవ్వనున్నారని సమాచారం. అలాగే 2,200 x 1,080 పిక్సెల్తో ఈ స్క్రీన్ను తీసుకొస్తున్నట్లు సమాచారం. మోటో జీ స్టైలస్ 2024 స్మార్ట్ ఫోన్ క్వాల్కమ్ స్నాప్డ్రాగన్ ప్రాసెసర్తో పనిచేస్తుందని తెలుస్తోంది. ఈ ఫోన్లో ఆండ్రాయిడ్ 13 ఆపరేటింగ్ సిస్టమ్ను అందించానున్నారు. లాంచింగ్ తేదీని త్వరలోనే ప్రకటించనున్నారు.
ఇక కెమెరా విషయానికొస్తే ఈ స్మార్ట్ ఫోన్లో.. 50 మెగాపిక్సెల్స్తో కూడిన రెయిర్ కెమెరాను అలాగే, సెల్ఫీల కోసం 8 మెగాపిక్సెల్స్తో కూడిన ఫ్రంట్ కెమెరాను ఇవ్వనున్నట్లు తెలుస్తోంది. అలాగే ఇందులో 20 వాట్స్ వైర్డ్ ఫాస్ట్ ఛార్జింగ్కు సపోర్ట్ చేసే 5000 ఎమ్ఏహెచ్ బ్యాటరీని అందించనున్నారు.