IQoo Neo 7 Pro 5G: ఐకూ నుంచి ప్రీమియం స్మార్ట్ ఫోన్‌.. స్టన్నింగ్ లుక్‌, అదిరిపోయే ఫీచర్స్‌
ఐకూ భారత మార్కట్లోకి కొత్త ఫోన్‌ను తీసుకొస్తోంది. మొన్నటి వరకు బడ్జెట్‌ ఫోన్‌లను విడుదల చేస్తూ వచ్చిన ఈ కంపెనీ తాజాగా ప్రీమియం స్మార్ట్ ఫోన్‌ను లాంచ్‌ చేయనున్నారు. ఐకూ నియో 7 ప్రో పేరుతో లాంచ్‌ చేయనున్న ఈ 5జీ స్మార్ట్ ఫోన్‌లో ఎలాంటి ఫీచర్లు ఉండనున్నాయి.? ధర ఎంత లాంటి విశేషాలు మీకోసం...
ప్రముఖ స్మార్ట్ ఫోన్‌ కంపెనీ ఐకూ మార్కెట్లోకి కొత్త స్మార్ట్ ఫోన్‌ను తీసుకొస్తోంది. నియో 7 ప్రో 5జీ పేరుతో తీసుకొచ్చిన ఈ ప్రీమియం స్మార్ట్ ఫోన్‌లో మంచి ఫీచర్స్‌ను అందించారు.
ఈ స్మార్ట్ ఫోన్‌ ఫీచర్ల విషయానికొస్తే ఈ స్మార్ట్ ఫోన్‌ను 16GB RAM, 256GB స్టోరేజ్ వేరియంట్స్‌లో తీసుకురానున్నారు. ధర రూ. 40 వేల వరకు ఉండే అవకాశం ఉంది. అధికారిక ప్రకటన రావాల్సి ఉంది.
ఇక ఈ స్మార్ట్ ఫోన్‌లో 6.78 ఇంచెస్‌ 1.5 కే అమోఎల్‌ఈడీ డిస్‌ప్లేను ఇవ్వనున్నారు. 1260 X 2800 పిక్సెల్స్ రిజల్యూషన్, 144Hz వరకు రిఫ్రెష్ రేట్‌ ఈ స్మార్ట్ ఫోన్‌ స్క్రీన్‌ ప్రత్యేకత.
అలాగే ఐకూ నియో 7 ప్రో 5జీ స్మార్ట్ ఫోన్‌లో ఆక్టా-కోర్ క్వాల్కమ్ స్నాప్‌డ్రాగన్ 8+ Gen 1 SoC ప్రాసెసర్‌ను అందించారు. ఆండ్రాయిడ్‌ 13 ఆపరేటింగ్ సిస్టమ్‌పై ఈ ఫోన్‌ పనిచేస్తుంది.
కెమెరా విషయానికొస్తే ఈ స్మార్ట్ ఫోన్‌లో 50 మెగా పిక్సెల్ రెయిర్‌ కెమెరాను అందించారు. అలాగే సెల్ఫీల కోసం 16 మెగా పిక్సెల్ ఫ్రంట్‌ కెమెరాను ఇచ్చారు. ఇక 120W వైర్డు ఫాస్ట్ చార్జింగ్ సపోర్ట్‌తో 5,000mAh బ్యాటరీ ఈ ఫోన్‌ ప్రత్యేకత.