Infinix Hot 20 5G: రూ. 12 వేలకే 5జీ స్మార్ట్ ఫోన్‌.. 50 మెగా పిక్సెల్‌ కెమెరాతో పాటు మరెన్నో ‘హాట్‌’ ఫీచర్లు..
ప్రముఖ స్మార్ట్ ఫోన్‌ దిగ్గం ఇన్ఫినిక్స్‌ మార్కెట్లోకి కొత్త స్మార్ట్ ఫోన్‌ను లాంచ్‌ చేసింది. 5జీ టెక్నాలజీతో పనిచేసే ఈ స్మార్ట్‌ఫోన్‌ను బడ్జెట్‌ ధరలో తీసుకొచ్చారు. ఇన్ఫినిక్స్‌ హాట్‌ 20 పేరుతో లాంచ్‌ చేసిన ఈ ఫోన్‌ ఫీచర్లపై ఓ లుక్కేయండి..
దేశంలో 5జీ సేవలు అందుబాటులోకి వస్తున్న తరుణంలో స్మార్ట్ ఫోన్‌ కంపెనీలు 5జీ ఫోన్‌లను లాంచ్‌ చేస్తున్నాయి. ఈ క్రమంలోనే ప్రముఖ స్మార్ట్ ఫోన్‌ దిగ్గజం ఇన్ఫినిక్స్‌ కొత్త 5జీ ఫోన్‌ను లాంచ్‌ చేసింది. డిసెంబర్‌1వ తేదీన ఈ ఫోన్‌ లాంచ్‌ అయింది.
ఈ ఫోన్‌ ఫీచర్ల విషయానికొస్తే ఇందులో 120Hz హైపర్-విజన్ రిఫ్రెష్ రేట్‌‌తో 6.6-అంగుళాల ఫుల్ HD+ డిస్‌ప్లేను అందించారు. మీడియాటెక్‌ డైమెన్సిటీ 810 చిప్‌సెట్‌ ద్వారా ఈ ఫోన్‌ రన్‌ అవుతుంది. ఇక ఈ ఫోన్‌ వేడెక్కకుండా ఇందులో బయోనిక్ బ్రీతింగ్ కూలింగ్ టెక్నాలజీని అందించారు.
కెమెరా విషయానికొస్తే ఇందులో 50 మెగాపిక్సెల్ రెయిర్‌ కెమెరాను అందించారు. అలాగే సెల్ఫీల కోసం 8 మెగాపిక్సెల్ ఫ్రంట్‌ కెమెరాను అందించారు. 4జీబీ + 64 జీబీ స్టోరేజ్‌ కెపాసిటీతో తీసుకొచ్చారు. వర్చువల్‌ ర్యామ్‌ ఫీచర్‌ ద్వారా మరో 3జీబీ వరకు పెంచుకోవచ్చు.
ఇక బ్యాటరీ విషయానికొస్తే ఇందులో 18 వాట్స్‌ ఛార్జింగ్‌కు సపోర్ట్ చేసే 5000 ఎమ్‌ఏహెచ్‌ బ్యాటరీని అందించారు. ఈ స్మార్ట్‌ఫోన్‌ 5జీ నెట్‌వర్క్ 12 బ్యాండ్‌ల వరకు పనిచేస్తుంది.
ఈ ఫోన్‌ ధర విషయానికొస్తే రూ. 11,999కి లాంచ్‌ చేశారు. డిసెంబర్‌ 9వ తేదీ నుంచి ప్రముఖ ఈకామర్స్‌ సైట్‌ ఫ్లిప్‌కార్ట్‌లో ఈ స్మార్ట్ ఫోన్‌ అందుబాటులోకి రానుంది.