Smartphones Under 15K: ఆకట్టుకుంటున్న ఆ స్మార్ట్‌ఫోన్స్ ఫీచర్లు.. రూ.15 వేలలోపు ది బెస్ట్ ఇవే..!
భారతదేశంలో ఇటీవల కాలంలో స్మార్ట్ ఫోన్ల వినియోగం భారీగా పెరిగింది. ముఖ్యంగా ఈ దేశంలో మధ్యతరగతి ప్రజలు ఎక్కువ కాబట్టి వారికి అందుబాటులో ధరల్లో స్మార్ట్ ఫోన్లను ఆయా కంపెనీలు అందుబాటులో ఉంచుతున్నాయి. ఇటీవల వచ్చిన 5జీ టెక్నాలజీను సపోర్ట్ చేసేలా చాలా ఫోన్లు మార్కెట్‌లో అందుబాటులో ఉన్నాయి. ముఖ్యంగా ప్రస్తుత అవసరాలకు తగినట్లుగా సూపర్ ఫీచర్లతో ఉన్న ఫోన్లు యువతను అమితంగా ఆకట్టుకుంటున్నాయి. ఈ నేపథ్యంలో ప్రస్తుతం రూ.15 వేల కంటే తక్కువ ధరలో నయా ఫీచర్స్‌తో ఉన్న స్మార్ట్ ఫోన్ల గురించి మరిన్ని వివరాలను తెలుసుకుందాం.
ప్రముఖ కంపెనీ నథింగ్ ఫోన్ సబ్ బ్రాండ్ కింద సీఎంఎఫ్-1 రూ.15,999 ధరతో అందుబాటులో ఉంటుంది. అయితే బ్యాంకు ఆఫర్లను కలుపుకుంటే ఈ ఫోన్ రూ.15 వేల కంటే తక్కువకే అందుబాటుో ఉంటుంది. 6 జీబీ +128 జీబీ వేరియంట్‌లో అందుబాటులో ఉండే ఈ ఫోన్ మీడియా టెక్ డైమెన్సిటీ 7300 చిప్ సెట్ ద్వారా పని చేస్తుంది. గ్రాఫిక్స్-ఇంటెన్సివ్ టాస్క్‌లను నిర్వహించడానికి మాలీ జీ615 జీపీయూతో వచ్చే ఈ స్మార్ట్ ఫోన్ ఆండ్రాయిడ్ 14 ఆధారంగా పని చేస్తుంది. ముఖ్యంగా ఈ ఫోన్‌లో ఉన్న మైక్రో ఎస్‌డీ స్లాట్ ద్వారా 2 టీబీ వరకు విస్తరణ చేసుకోవచ్చు.
పోకో ఎం6 ప్లస్ ఫోన్ 120 హెచ్‌జెడ్ రిఫ్రెష్ రేట్‌తో 6.79 అంగుళాల ఎల్‌సీడీ స్క్రీన్‌తో కార్నింగ్ గొరిల్లా గ్లాస్ 3 రక్షణతో వస్తుంది. 550 నిట్స్ బ్రైట్‌నెస్‌తో స్నాప్‌డ్రాగన్ 4 జెన్ 2 ఏఈ చిప్‌సెట్ ద్వారా ఆధారంగా పని చేసే ఈ ఫోన్ గ్రాఫిక్స్ ఇంటెన్సివ్ టాస్క్‌లను నిర్వహించడానికి అనువుగా వస్తుంది. 6 జీబీ + 128 జీబీ, 8 జీబీ + 128 జీబీ స్టోరేజ్ వేరియంట్స్‌లో ఈ స్మార్ట్ ఫోన్ అందుబాటులో ఉంటుంది. 5,030ఎంఏహెచ్ బ్యాటరీతో పని చేసే ఈ ఫోన్ రూ.15 వేల కంటే తక్కువ ధరలో అందుబాటులో ఉండే ది బెస్ట్ ఫోన్ అని నిపుణులు చెబుతున్నారు.
వివో టీ3 ఎక్స్ స్మార్ట్ ఫోన్ 120 హెచ్‌జెడ్ రిఫ్రెష్ రేట్‌తో 6.72 అంగుళాల ఫ్లాట్ ఫుల్ హెచ్‌డీ ప్లస్ ఎల్‌సీడీ డిస్‌ప్లేతో వస్తుంది. 1,000 నిట్స్ బ్రైట్‌నెస్‌తో వచ్చే ఈ ఫోన్ స్నాప్‌డ్రాగన్ 6 జెన్ ఆధారంగా పని చేస్తుంది. ఈ స్మార్ట్ ఫోన్ 44 వాట్స్ ఫాస్ట్ ఛార్జింగ్ సపోర్ట్‌తో 6000 ఎంఏహెచ్ బ్యాటరీతో ఆకట్టుకుంటుంది
మోటోరోలా జీ 65 స్మార్ట్ ఫోన్ 120 హెచ్‌జెడ్ రిఫ్రెష్ రేట్, 560 నిట్స్ పీక్ బ్రైట్‌నెస్‌తో వస్తుంది. 6.5-అంగుళాల ఫుల్ హెచ్ ప్లస్ ఎల్‌సీడీ డిస్‌ప్లేతో వచ్చే ఈ ఫోన్ మీడియా టెక్ డైమెన్సిటీ 7025 ప్రాసెసర్‌తో ఆధారంగా పని చేస్తుంది. ఆండ్రాయిడ్ 14 ఆపరేటింగ్ సిస్టమ్ ద్వారా పని చేసే ఈ ఫోన్ 33 వాట్స్ ఫాస్ట్ చార్జింగ్‌కు మద్దుతునిచ్చే 6000 ఎంఏహెచ్ బ్యాటరీతో వస్తుంది.
సామ్‌సంగ్ గెలాక్సీ ఎఫ్ 15 5జీ స్మార్ట్ ఫోన్ 4 జీబీ +128 జీబీ స్టోరేజ్ వేరియంట్ రూ.12,999కు అందుబాటులో ఉంటుంది. 6.5 అంగుళాల ఫుల్ హెచ్‌డీ ప్లస్ ఎమోఎల్ఈడీ డిస్‌ప్లేతో వచ్చే ఈ స్మార్ట్ ఫోన్ 90 హెచ్‌జెడ్ రిఫ్రెష్ రేట్‌తో వస్తుంది. మీడియా టెక్ డైమెన్సిటీ 6100 ప్లస్ ప్రాసెసర్‌తో పని చేసే ఈ ఫోన్ మైక్రో ఎస్‌డీ కార్డ్ ద్వారా 1టీబీ స్టోరేజ్ విస్తరణ చేయవచ్చు.