Honor 200 Lite: తక్కువ ధరలో కళ్లు చెదిరే ఫీచర్లు.. హానర్ నుంచి కొత్త ఫోన్
తక్కువ బడ్జెట్లో మంచి ఫీచర్లతో కూడిన స్మార్ట్ ఫోన్లు మార్కెట్లో సందడి చేస్తున్నాయి. ముఖ్యంగా చైనాకు చెందిన టెక్ దిగ్గజ సంస్థలు అధునాతన ఫీచర్లతో కూడిన ఫోన్లను తీసుకొస్తున్నాయి. ఈ క్రమంలోనే తాజాగా ప్రముఖ స్మార్ట్ ఫోన్ తయారీ సంస్థ హానర్ భారత మార్కెట్లోకి కొత్త ఫోన్ను తీసుకొచ్చింది హానర్ 200 లైట్ పేరుతో ఈ ఫోన్ను లాంచ్ చేస్తున్నారు..
చైనాకు చెందిన స్మార్ట్ ఫోన్ దిగ్గజం హానర్ భారత మార్కెట్లోకి కొత్త ఫోన్ను తీసుకొచ్చింది. హానర్ 200 లైట్ పేరుతో ఈ ఫోన్ను లాంచ్ చేశారు. సెప్టెంబర్ 27వ తేదీ నుంచి ఈ ఫోన్ మార్కెట్లోకి అందుబాటులోకి రానుంది. ఈ నేపథ్యంలో ఈ ఫోన్లో ఎలాంటి ఫీచర్లు ఉన్నాయి? ధర ఎంత లాంటి పూర్తి వివరాలు.
హానర్ 200 లైట్ ఫీచర్ల విషయానికొస్తే ఈ ఫోన్లో మ్యాజిక్ఎల్ఎమ్, మ్యాజిక్ పోర్టల్, మ్యాజిక్ క్యాప్సూల్, మ్యాజిక్ లాక్ స్క్రీన్, పారలల్ స్పేసెస్ వంటి అనేక AI ఫీచర్లు అందించారు. 8జీబీ ర్యామ్, 256 జీబీ స్టోరేజ్ ధర రూ. 17,999గా నిర్ణయించారు.
ఇక ఈ ఫోన్లో 6.7 ఇంచెస్తో కూడిన ఫుల్ హెచ్డీ+ అమోఎల్ఈడీ స్క్రీన్ను అందిస్తున్నారు. 2,412 x 1,080 పిక్సెల్ రిజల్యూషన్ ఈ స్క్రీన్ సొంతం. 2,000 నిట్స్ పీక్ బ్రైట్నెస్ ఈ స్క్రీన్ సొంతం.
ఆండ్రాయిడ్ 14 ఆధారిత మ్యాజిక్ ఓఎస్ 8.0తో ఈ ఫోన్ పనిచేస్తుంది. అలాగే ఇందులో మీడియాటె్ డైమెన్సిటీ 6080 ఎస్ఓసీ ప్రాసెసర్ను అందించారు. దీంతో ఈ ఫోన్ మెరుగైన పార్ఫామెన్స్ అందిస్తుంది.
కెమెరా విషయానికొస్తే ఇందులో 108 మెగాపిక్సెల్, 5 మెగాపిక్సెల్, 2 మెగాపిక్సెల్స్తో కూడిన కెమెరా సెటప్ను అందించారు. అలాగే సెల్ఫీలు, వీడియో కాల్స్ కోసం ఇందులో 50 మెగాపిక్స్తో కూడిన ఫ్రంట్కెమెరాను ఇచ్చారు. 35W వైర్డ్ ఫాస్ట్ చార్జింగ్తో 4,500mAh బ్యాటరీని ఇచ్చారు.