Google: ఫేక్‌ ఫొటోలకు చెక్‌.. గూగుల్ ఫొటోస్‌లో సరికొత్త ఏఐ ఫీచర్‌..
ప్రస్తుతం ఆర్టిఫిషియల్‌ ఇంటెలిజెన్స్‌ సేవలు ఓ రేంజ్‌లో విస్తరిస్తున్నాయి. దాదాపు అన్ని రంగాల్లో ఏఐ టెక్నాలజీ వినియోగం పెరిగిపోయింది. అయితే ఏఐతో లాభాలు ఉన్నట్లే, కొన్ని నష్టాలు కూడా ఉన్నాయి. వీటిలో ప్రధానమైంది ఫేక్‌ ఫొటోలు, డీప్‌ ఫేక్‌ వంటి టెక్నాలజీతో కొందరు ఫేక్‌ ఫొటోలను రూపొందించి నెట్టింట వైరల్‌ చేస్తున్నాయి. అయితే ఇలాంటి ఫేక్‌ ఫొటోలకు చెక్‌ పెట్టేందుకు గూగుల్ కొత్త ఫీచర్‌ను తీసుకొచ్చింది..
ఆర్టిఫిషియల్‌ ఇంటెలిజెన్స్‌ను ఉపయోగించుకొని ఫేక్‌ ఫొటోలను, వీడియోలను రూపొందిస్తున్నారు. తాజాగా నెట్టింట ఇలాంటి ఫేక్‌ ఫొటోలు తెగ వైరల్‌ అవుతున్నాయి. ముఖ్యంగా సెలబ్రిటీల ఫేక్‌ ఫొటోలను తెగ వైరల్‌ చేస్తున్నారు.
దీంతో అసలు ఫొటో ఏది, నకిలీ ఫొటో ఏదన్న ప్రశ్న చాలా మందిలో ఎదురువుతోంది. అయితే ఈ సమస్యకు చెక్‌ పెట్టేందుకే గూగుల్ కీలక నిర్ణయం తీసుకుంది. ఫేక్‌ ఫొటోలు, వీడియోలను ఇట్టే గుర్తించేందుకు గూగుల్ ఫొటోస్‌లో సరికొత్త ఏఐ ఫీచర్‌ను తీసుకొచ్చింది.
ఏఐ ఇన్పో పేరుతో గూగుల్ ఈ కొత్త ఫీచర్‌ను అందుబాటులోకి తీసుకొచ్చింది. ఈ విషయాన్ని తెలుపుతూ గూగుల్ తన బ్లాగ్‌ పోస్టులో తెలిపింది. అయితే ఎడిట్ చేసిన ఫొటోలను మాత్రమే ఇది గుర్తిస్తుందని కంపెనీ తెలిపింది.
ఇంతకీ ఈ ఫీచర్‌ను ఎలా ఉపయోగించుకోవాలనేగా.. ఇందుకోసం ముందుగా గూగుల్ ఫోటోస్ యాప్ లోకి వెళ్లాలి. ఆ తర్వాత ఏదైన ఫోటోను సెలెక్ట్ చేసి కిందకు స్క్రోల్ చేయగానే డీటీయల్స్ అనే ఆప్షన్‌ను క్లిక్‌ చేయాలి.
ఒకవేళ సదరు ఫొటో ఏఐతో క్రియేట్ చేసిందయితే.. అందులో 'ఎడిటెడ్ విత్ గూగుల్ ఏఐ' అని సూచిస్తుంది. దీంతో ఆ ఫోటో నిజమైందా కాదా అన్న విషయం ఇట్టే తెలిసిపోతుంది. దీంతో పాటు గూగుల్ మ్యాజిక్ ఎడిటర్, మ్యాజిక్ ఎరేజర్ వంటి ఏఐ ఆధారిత ఫీచర్లను తీసుకొచ్చింది.