Fake iPhone: ఐఫోన్ కొనాలనుకుంటున్నారా.? మార్కెట్లో విచ్చలవిడిగా నకిలీ ఐఫోన్ల విక్రయం.. గుర్తించండి ఇలా..
ఇటీవల కాలంలో మార్కెట్లో నకిలీ ఫోన్ల విక్రయాలు పెరిగిపోతున్నాయి. ఇతర దేశాలతో పోలిస్తే భారత్లోనే ఎక్కువగా ఉండడం ఆందోళన కలిగిస్తోంది.
ఇటీవల కాలంలో మార్కెట్లో నకిలీ ఫోన్ల విక్రయాలు పెరిగిపోతున్నాయి. ఇతర దేశాలతో పోలిస్తే భారత్లోనే ఎక్కువగా ఉండడం ఆందోళన కలిగిస్తోంది. ఇటీవల, నోయిడాలో తక్కువ ధరలకు నకిలీ ఐఫోన్ 13 ఫోన్లను విక్రయిస్తున్న ముగ్గురు వ్యక్తులను పోలీసులు అరెస్టు చేశారు. అతడి నుంచి 60కి పైగా నకిలీ ఐఫోన్లను స్వాధీనం చేసుకున్నారు.
ఢిల్లీలో కేవలం 12 వేల రూపాయలతో ఫోన్ను కొనుగోలు చేసి చైనా షాపింగ్ వెబ్సైట్లో ఐఫోన్ను పోలిన బాక్స్ను ఆర్డర్ చేసి దానికి యాపిల్ స్టిక్కర్ను అతికించి విక్రయించాడు. దీంతో కొనేటప్పుడు ఆ ఫోన్ నకిలీదో కాదో గుర్తించడం కష్టం. అందుకే ఒకటికి రెండు సార్లు ఫోన్ మొత్తాన్ని క్షుణ్ణంగా పరిశీలించాలి.
అన్ని ఒరిజినల్ ఐఫోన్లు ఐఎంఇఐ నెంబర్ కలిగి ఉంటాయి. మీ ఐఫోన్ అసలైనదా లేదా నకిలీదా అని ఐఎంఇఐ నెంబర్ ద్వారా తెలుసుకోవచ్చు.
IMEI నంబర్ని ఎక్కడ చెక్ చేయాలి: IMEI నంబర్ని చెక్ చేయడానికి అనేక మార్గాలున్నాయి. ఐఫోన్ సెట్టింగ్ల విభాగానికి వెళితే, మీరు దానిని అక్కడ చూడవచ్చు.
సెట్టింగ్లలో IMEI నంబర్ని చూడటం కోసం ఎబౌట్ యువర్ ఫోన్ ఆప్షన్ క్లిక్ చేయడం ద్వారా ఐఎంఇఐ నంబర్ తెలుసుకోవచ్చు. అక్కడ ఐఎంఇఐ నెంబర్ లేకపోతే మీ ఐఫోన్ ఫేక్ అయ్యే అవకాశం ఉంది.
మీకు ఎలా చెక్ చేయాలో తెలియకపోతే, మీ సమీప యాపిల్ స్టోర్ని సందర్శించండి. వారు మీ ఐఫోన్ను రన్ చేస్తారు, ఇది నకిలీనా లేదా వాస్తవమైనదో తెలుసుకోవడంలో మీకు సహాయం చేస్తారు.
మీరు ఖరీదైన ఐఫోన్ను కొనుగోలు చేయాలని ఆలోచిస్తున్నట్లయితే, అది చౌకగా ఉంటుందని భావించి మోసపోకండి. విశ్వసనీయ సైట్ లేదా రిటైల్ దుకాణాలల్లో కొనడం బెటర్.
చాలా వరకు నకిలీ మొబైల్లు లేదా ఏదైనా ఎలక్ట్రానిక్ వస్తువుల పేర్లు తప్పుగా ఉంటాయి. నిశితంగా పరిశీలిస్తే ఈ విషయం తెలుస్తుంది.
Samsung = Sammsung లేదా Samsang లేదా Samsong, iPhone = iPone లేదా iPhoon, Huawei = Hauwei లేదా Huawai, Xiaomi = Xaiomi లేదా Xioami.Samsung = Sammsung లేదా Samsang లేదా Samsong, iPhone = iPone లేదా iPhoon, Huawei= Hauwei లేదా హువాయ్, Xiaomi Xiaomi. ఇలా పేర్లలో స్వల్ప మార్పులు ఉంటాయి.