Tecno 7 Spark Pro: మార్కెట్లోకి కొత్త స్మార్ట్‌ఫోన్‌.. అదిరిపోయే ఫీచ‌ర్లు.. ఆక‌ట్టుకునే ధ‌ర.. లాంచింగ్ ఎప్పుడంటే..
Tecno 7 Spark Pro: చైనాకు చెందిన స్మార్ట్ ఫోన్ కంపెనీ భార‌త మార్కెట్లోకి మ‌రో కొత్త మొబైల్ తీసుకురానుంది. టెక్నో 7 స్పార్క్ ప్రో పేరుతో రానున్న ఈ ఫోన్‌ను మే 25న లాంచ్ చేయ‌నున్నారు...
చైనాకు చెందిన స్మార్ట్ ఫోన్ త‌యారీ కంపెనీ టెక్నో భార‌త మార్కెట్లోకి వ‌రుస స్మార్ట్ ఫోన్ల‌ను లాంచ్ చేస్తోంది. ఇప్ప‌టికే టెక్నో స్పార్క్, టెక్నో స్పార్క్ 7పీ పేరుతో రెండు ఫోన్ల‌ను ప‌రిచ‌యం చేసింది.
ఈ క్ర‌మంలోనే భార‌త మార్కెట్లో టెక్నో 7 స్పార్క్ ప్రో పేరుతో మ‌రో మొబైల్ వ‌స్తోంది. మే 25న ఈ మొబైల్‌ను లాంచ్ చేయ‌నున్నారు.
ఇక ఫీచ‌ర్ల విష‌యానికొస్తే ఆండ్రాయిడ్ 11 ఆప‌రేటింగ్ సిస్టంపై న‌డిచే ఈ స్మార్ట్ ఫోన్‌లో 6.6 అంగుళాల ఫుల్ హెచ్‌డీ + డిస్ ప్లేను అందించారు.
ఆక్టాకోర్ మీడియాటెక్ హీలియో జీ85 ప్రాసెసర్‌పై ప‌నిచేయ‌నున్న ఈ స్మార్ట్‌ఫోన్‌లో 6 జీబీ వరకు ర్యామ్, 128 జీబీ వరకు స్టోరేజ్ అందించారు.
కెమెరా విష‌యానికొస్తే.. వెన‌కాల మూడు కెమెరాలు అందించారు. రెయిర్ కెమెరా 48 మెగా పిక్సెల్‌, 8 మెగా పిక్సెల్‌తో సెల్ఫీ కెమెరా అందించారు.
10w ఫాస్ట్ చార్జింగ్ స‌పోర్ట్‌తో రానున్న ఈ ఫోన్‌లో 5000 ఎంఏహెచ్ బ్యాట‌రీని అందించారు. ఇక ఈ ఫోన్ ధ‌ర విష‌యానికొస్తే రూ. 11,990గా నిర్ణ‌యించారు.