Steel Soap: స్టెయిన్ లెస్‌ స్టీల్ సబ్బు ఎప్పుడైనా చూశారా? నురగ రాదు.. వాసనుండదు!
అచ్చం చూడటానికి.. స్టీల్ ముక్కలా కనిపించే ఈ వింత సబ్బు మార్కెట్లోకి కొత్తగా వచ్చింది. ఈ సబ్బును స్టెయిన్‌లెస్ స్టీల్ సబ్బు అని అంటారు. వెండి రంగులో సాధారణ సబ్బు ఆకారంలో..
What is Stainless Steel Soap? How should you use it? అచ్చం చూడటానికి.. స్టీల్ ముక్కలా కనిపించే ఈ వింత సబ్బు మార్కెట్లోకి కొత్తగా వచ్చింది. ఈ సబ్బును స్టెయిన్‌లెస్ స్టీల్ సబ్బు అని అంటారు. వెండి రంగులో సాధారణ సబ్బు ఆకారంలో ఉంటుంది. ఈ స్టీల్ సబ్బుకు వాసన కూడా ఉండదట. ఈ వింతైన సబ్బును ఎవరు తయారు చేశారు? ఎలా వాడతారు వంటి విశేషాలు మీకోసం..
ఈ సబ్బు ప్రత్యేకత ఏమిటంటే.. మామూలుగా ఈ సబ్బుకు ఎటువంటి సువాసన వుండదు. ఐతే చేతికి అంటుకున్నా దుర్వాసనను తొలగించడానికి మాత్రం భేషుగ్గా పనిచేస్తుంది. ఉదాహరణకు వంటగదిలో ఉల్లిపాయ లేదా వెల్లుల్లి తరిగినప్పుడు చేతులు వాసనొస్తాయి.. అవునా? ఈ సబ్బుతో చేతులు కడిగారంటే వాసన మాయం అవుతుందనన్నమాట.
నిజానికి.. ఈ సబ్బు మీ చేతులకు అంటుకున్న సల్ఫర్ అణువులను తొలగించి, దుర్వాసనను దూరం చేయడానికి ఉపయోగపడుతుంది. అందువల్లనే చేతి దుర్గంధాన్ని తొలగించడానికి ఈ సబ్బును ప్రత్యేకంగా తయారు చేశారు.
ఈ సబ్బును ఎలా ఉపయోగించాలి? ఈ సబ్బును ఉపయోగించడానికి ప్రత్యేక విధానం అంటూ ఏమీ లేదు. సాధారణ సబ్బులానే ఈ సబ్బును కూడా ఉపయోగించవ్చు. ఐతే ఈ సబ్బుకు నురుగు రాదు. చేతులను శుభ్రం చేసుకోవాలనుకున్నప్పుడు ఈ సబ్బును నీళ్లతో తడిపి చేతులతో రుద్దితే చేతి వాసన వదిలిపోతుంది.
ధరెంతో తెలుసా? సాధారణంగా సబ్బు నాణ్యత బట్టి ధరలుంటాయి. ఈ సబ్బు ధర రూ.250 నుంచి రూ.500 వరకు ఉంటుంది. ఆన్‌లైన్‌లో కూడా స్టెయిన్ లెస్‌ స్టీల్ సబ్బును ఆర్డర్ చేసుకోవచ్చు.