Surya Grahan: రేపే సూర్య గ్రహణం.. గ్రహణ ప్రభావం తొలగడానికి ఏ రాశివారు ఏ పరిహారాలు చేయాలంటే
సంవత్సరంలో చివరి సూర్యగ్రహణం సెప్టెంబర్ 21, 2025 ఏర్పడనుంది. సూర్యగ్రహణం సమయంలో గ్రహ శక్తులు తీవ్రంగా ఉంటాయి. గ్రహణ ప్రభావం జీవితంపై సానుకూల ,ప్రతికూల ప్రభావాలను చూపుతుంది. ఈ నేపధ్యంలో రేపు ఏర్పడనున్న సూర్య గ్రహణం జ్యోతిష్య శాస్త్రం ప్రకారం వెరీ వెరీ స్పెషల్. ఈ నేపధ్యంలో గ్రహణ ప్రభావం నుంచి బయపదేందుకు రాశి ఆధారంగా సరళమైన చర్యలు తీసుకోవాలని సూచిస్తున్నారు. ఇలా చేయడం వలన అశుభ ప్రభావాలు తగ్గి శుభ ఫలితాలు పెరుగుతాయని చెప్పారు. గ్రహణం విడిచిన అనంతరం చేసే ఈ చర్యలు వలన మనస్సు, ఆరోగ్యం, ఆర్థిక పరిస్థితి సమతుల్యం అవుతుందని చెబుతున్నారు.
మేషరాశి: సూర్య గ్రహణ సమయంలో హనుమాన్ చాలీసా పారాయణం చేయాలి. ఓం భాస్కరాయ నమః అనే మంత్రాన్ని జపించండి. ఇది మానసిక ప్రశాంతతను, చేపట్టిన పనుల్లో విజయం లభించేలా అవకాశాలను పెంచుతుంది.
వృషభ రాశి: గ్రహణం విడిచిన అనంతరం లక్ష్మీ దేవిని పూజించి, విష్ణు సహస్రనామ పారాయణం చేయండి. దీనివల్ల సంపద, శ్రేయస్సు పెరుగుతాయి.
మిథున రాశి: శ్రీకృష్ణుడిని పూజించి ఓం నారాయణాయ నమః అనే మంత్రాన్ని జపించండి. ఇది మీ తెలివితేటలను, నిర్ణయం తీసుకునే సామర్థ్యాలను బలోపేతం చేస్తుంది.
కర్కాటక రాశి : శివుడికి అభిషేకం చేసి మహామృత్యుంజయ మంత్రాన్ని జపించండి. ఇది వ్యాధి,యు ప్రతికూల శక్తి నుంచి ఉపశమనం లభించడంలో సహాయపడుతుంది.
సింహ రాశి: వీరు గ్రహణ సమయంలో సూర్య భగవానుడికి ప్రార్థనలు చేసి, ఓం సూర్యాయ నమః అనే మంత్రాన్ని జపించండి. ఇది వీరి ఆత్మవిశ్వాసాన్ని , కీర్తిని పెంచుతుంది.
కన్య రాశి: గ్రహణ విడిచిన తర్వాత దుర్గా సప్తశతి పారాయణం చేసి దుర్గాదేవిని పూజించండి. ఇది జీవితంలో స్థిరత్వం, విజయాన్ని తెస్తుంది.
తులా రాశి: శ్రీ సూక్త పారాయణం చేసి.. లక్ష్మీ దేవికి కమలం పువ్వులతో పూజించండి. ఇది వ్యాపారం, వృత్తిలో ప్రయోజనాలను తెస్తుంది.
వృశ్చిక రాశి: హనుమంతుడిని పూజించి, ఓం రామదూతయే నమః అనే మంత్రాన్ని జపించండి. ఇది చేపట్టిన పనుల్లో అడ్డంకులను తొలగించి ఆత్మవిశ్వాసాన్ని పెంచుతుంది.
ధనుస్సు రాశి: గాయత్రి మంత్రాన్ని జపించి విష్ణువును పూజించండి. ఇది మానసిక ప్రశాంతతను , ఆధ్యాత్మిక పురోగతిని తెస్తుంది.
మకర రాశి: వీరు శని దేవుడిని పూజించి ఓం శం శనైశ్చరాయ నమః అనే మంత్రాన్ని జపించండి. ఇది మీ పనికి స్థిరత్వాన్ని తెస్తుంది . అడ్డంకులను తగ్గిస్తుంది.
కుంభ రాశి: గ్రహణ సమయంలో "ఓం నమః శివాయ" అనే మంత్రాన్ని జపించి శివలింగానికి నీటిలో బిల్వ పత్రాలు వేసి అబిషేకం చేయండి. ఈ పరిహారం వీరి జీవితంలో సానుకూలతను, శాంతిని తెస్తుంది.
మీన రాశి: విష్ణువును ధ్యానించి ఓం వాసుదేవ నమః అనే మంత్రాన్ని జపించండి. ఇది కుటుంబ ఆనందాన్ని, మానసిక సమతుల్యతను తెస్తుంది.