పులిహోర గోంగూర నిల్వ పచ్చడి.. ఇలా చేస్తే సంవత్సరం పొడవునా నిల్వ..
ఆంధ్ర వంటకాలకు వన్నె తెచ్చే రుచికరమైన పచ్చడిలలో గోంగూర పచ్చడికి ప్రత్యేక స్థానం ఉంది. తెలుగు వారి విందు భోజనాల్లో ఇది తప్పనిసరిగా ఉండాల్సిన వంటకం. ఈ గోంగూర పచ్చడిని సంప్రదాయ పద్ధతిలో తయారు చేసుకుంటే సంవత్సరమంతా చెక్కుచెదరని రుచితో నిల్వ ఉంచుకోవచ్చు.
మొదటగా, ఒక కిలో గోంగూర ఆకులను తీసుకోవాలి. వీటిని శుభ్రంగా కడిగి, ఒక టవల్ పైన లేదా కాటన్ చేసి, తడి లేకుండా పూర్తిగా ఆరనివ్వాలి. దీనికి కనీసం రెండు నుండి మూడు గంటల సమయం పడుతుంది. తడి లేకుండా ఆరబెట్టడం వల్ల పచ్చడి ఎక్కువ కాలం నిల్వ ఉంటుంది.
కొండ గోంగూర పచ్చళ్ళ గోంగూర. వీటిని ఎర్ర గోంగూర, తెల్ల గోంగూర అని కూడా అంటారు. కొండ గోంగూర మూడు ఆకులు కలిగి ఉండి, ఎక్కువ పులుపును కలిగి ఉంటుంది. పచ్చళ్ళ గోంగూర ఐదు ఆకులు కలిగి ఉండి, పులుపు తక్కువగా ఉంటుంది. ఆంధ్ర ప్రాంతంలో ఎక్కువగా పచ్చళ్ళ గోంగూరతో నిల్వ పచ్చళ్ళు చేస్తారు. అయితే, నగరాల్లో కొండ గోంగూర ఎక్కువగా లభిస్తుంది. మీరు కొండ గోంగూరను ఉపయోగిస్తే, చింతపండు పరిమాణాన్ని కొద్దిగా తగ్గించుకోవచ్చు. పచ్చళ్ళ గోంగూర తీసుకుంటే చింతపండు కొద్దిగా ఎక్కువగా వేసుకోవాలి.
ఒక పాన్ అర కప్పు పల్లీ నూనె వేసి వేడి చేయండి. నూనె కొద్దిగా కాగాక, 200 గ్రాముల ఎండు మిరపకాయలను తొడిమలు తీసి, మధ్యలోకి తుంచి వేసుకోవాలి. ఇలా తుంచడం వల్ల లోపల గింజలు కూడా చక్కగా వేగి, కారం బాగా వస్తుంది. కారం ఎక్కువగా తినే వారైతే పావు కేజీ మిరపకాయలు వాడుకోవచ్చు. మిరపకాయలు మాడిపోకుండా మధ్యస్థ మంటపై జాగ్రత్తగా వేయించి, వేగిన తర్వాత ఒక ప్లేట్‌లోకి తీసుకోండి.
ఒక పాన్ లో అర కప్పు పల్లీ నూనె వేసి వేడి చేయండి. నూనె కొద్దిగా కాగాక, 200 గ్రాముల ఎండు మిరపకాయలను తొడిమలు తీసి, మధ్యలోకి తుంచి వేసుకోవాలి. ఇలా తుంచడం వల్ల లోపల గింజలు కూడా చక్కగా వేగి, కారం బాగా వస్తుంది. కారం ఎక్కువగా తినే వారైతే పావు కేజీ మిరపకాయలు వాడుకోవచ్చు. మిరపకాయలు మాడిపోకుండా మధ్యస్థ మంటపై జాగ్రత్తగా వేయించి, వేగిన తర్వాత ఒక ప్లేట్‌లోకి తీసుకోండి.
ఒక మిక్సీ జార్‌లో వేయించిన ఎండు మిరపకాయలు, వేయించిన మెంతులు వేసి మెత్తగా పొడి చేయండి. ఇప్పుడు దీనిలో 200 గ్రాముల కల్లుప్పు, అర కప్పు వెల్లుల్లి రెబ్బలు వేసి తిరిగి గ్రైండ్ చేయాలి. ఈ కారం మిశ్రమాన్ని వేయించుకున్న గోంగూరలో వేసుకోవాలి. ఉడికించిన చింతపండును కూడా మిక్సీలో వేసి పేస్ట్‌లా చేసి గోంగూర మిశ్రమంలో కలపాలి.ఇప్పుడు అన్ని పదార్థాలను బాగా కలిపి, ఒక చిన్న రోలు తీసుకుని, కొద్దికొద్దిగా గోంగూర మిశ్రమాన్ని వేసి కచ్చా పచ్చాగా దంచుకోవాలి. రోలు లేనివారు మిక్సీలో కూడా వేసుకోవచ్చు, అయితే మరీ మెత్తగా పేస్ట్‌లా చేయకుండా, కొంచెం ఆకులాకులుగా ఉండేలా చూసుకోవాలి. అప్పుడే గోంగూర పచ్చడి రుచిగా ఉంటుంది. దంచుకున్న పచ్చడిని ఒక గిన్నెలోకి తీసుకుని పక్కన పెట్టుకోండి. తాలింపు కోసం రెండు కప్పుల పల్లీ నూనె తీసుకోండి. గోంగూర పచ్చడికి పల్లీ నూనె అద్భుతమైన రుచిని ఇస్తుంది. నూనె కొద్దిగా కాగాక, 2 టీస్పూన్ల ఆవాలు, 2 టీస్పూన్ల పచ్చి శనగపప్పు, 1 టీస్పూన్ మినపప్పు, పావు టీస్పూన్ మెంతులు వేసి, పప్పులు కొద్దిగా క్రిస్పీగా అయ్యే వరకు వేయించుకోవాలి. ఆ తర్వాత ఒక పెద్ద సైజు వెల్లుల్లి రెబ్బలు, 10-12 ఎండు మిరపకాయలు, కొద్దిగా కరివేపాకు వేసి 30 సెకన్లు వేయించి స్టవ్ ఆపేయండి. ఎండు మిరపకాయలు మాడిపోకుండా జాగ్రత్తగా ఉండాలి. తాలింపును పూర్తిగా చల్లారనివ్వాలి.