గుట్టలాంటి పొట్టను కూడా కరిగించే ఓట్స్ గంజి.. ఎలా చేయాలి అంటే?
చాలా మంది ఊబకాయం, అధిక బరువు మాత్రమే కాకుండా ,పొట్టదగ్గర అధిక కొవ్వు పెరిగి చాలా ఇబ్బంది పడుతుంటారు. అయితే ప్రతి రోజూ ఉదయం ఈ ఓట్స్ తో తయారు చేసిన గంజి తాగడం వలన పొట్టదగ్గర ఉన్న అధిక చెడు కొవ్వు చాలా త్వరగా కరిగిపోతుందంట. అయితే దీనిని ఎలా తీసుకుంటే ఆరోగ్యానికి మంచిదో ఇప్పుడు చూసేద్దాం..
ఓట్స్ గంజి తయారు చేయడానికి కావాల్సిన పదార్థాలు : ఓట్స్, జీలకర్ర, పచ్చి మిర్చి, ఉల్లిపాయలు, టమాటో, అల్లం వెల్లుల్లి పేస్ట్, ఉప్పు, కొత్తిమీర, పూదీనా, మరియాల పొడి, కాచిన పాలు.
తయారీ విధానం : ఓట్స్ గంజి తయారు చేయడానికి ముందుగా ఓట్స్ తీసుకొని వేయించుకోవాలి. మంచిగా పచ్చి వాసన పోయేలా వేయించుకోవాలి. తర్వాత జీలకర్ర కూడా వేసి బాగా వేయించుకోవాలి.
ఇప్పుడు పచ్చి మిర్చి, ఉల్లిపాయ ముక్కలు, అన్నీ వేసి మంచిగా పోపు పెట్టుకోవాలి. ఇవన్నీ కాస్త గోల్డెన్ కలర్లా వచ్చిన తర్వా అందులో కొంచెం అల్లం వెల్లుల్లి పేస్ట్ వేసి మంచిగా వేయించుకోవాలి. ఇవి ఎంత బాగా వేగితే ప్లేవర్ అంత బాగుంటుంది. తిన్నా కొద్ది తినాలనిపిస్తుంది.
ఇప్పుడు మనం వేయించి పక్కన పెట్టుకున్న ఓట్స్ తీసుకోవాలి. వీటిని పోపులో వేసి రెండు నిమిషాల పాటు వేయించుకోవాలి. ఇప్పుడు అందులో గంజి తయారు చేయడానికి కావాల్సినన్ని నీళ్లు పోసుకొని మంచిగా ఉడకనివ్వాలి. ఎంతగా బాగా మెత్తా ఉడికితే, గంజి ఫ్లేవర్ అంత బాగా వస్తుంది.
ఇవి బాగా ఉడికిన తర్వాత పప్పు రుబ్బే దువ్వతో మెత్తగా స్మాష్ చేసుకోవాలి. తర్వాత ఇందులో కాచి చల్లారబెట్టుకున్న పాలు వేసి మంచిగా కలుపుకోవాలి. అంతే దీనిని తీసుకుంటే సూపర్ టేస్ట్ ఉంటుంది. ఇది ఎముకల బలానికి, బరువు తగ్గడానికి, పొట్ట దగ్గర కొవ్వు తగ్గడానికి చాలా ఉపయోగకరంగా ఉంటుంది.