వాకింగ్, జాగింగ్ కంటే రోజూ 15 నిమిషాలు స్కిప్పింగ్ చేస్తే ఎన్ని లాభాలో తెలుసా..?
వర్కవుట్స్ మన ఆరోగ్యానికి అతి ముఖ్యం అంటున్నారు వైద్య ఆరోగ్య నిపుణులు. సంపూర్ణ ఆరోగ్యం, శరీర ధృఢత్వం కోసం ఒక్కొక్కరు ఒక్కొక్క మార్గాన్ని అనుసరిస్తుంటారు. వాకింగ్, జాగింగ్, జిమ్, స్విమ్మింగ్ వంటి వ్యాయామాలతో పాటు సరైన ఆహార పద్ధతులు పాటిస్తూ ఆరోగ్యాన్ని కాపాడుకుంటుంటారు. అయితే, మీకు తెలుసా..? రోజుకు 15 నిమిషాలపాటు స్కిప్పింగ్ చేయటం వల్ల కూడా ఆరోగ్య వంతంగా జీవించవచ్చునని నిపుణులు చెబుతున్నారు. అదేలాగో ఇక్కడ తెలుసుకుందాం..
స్కిప్పింగ్ చేయడం వల్ల 15 నిమిషాల్లో దాదాపు 150-200 కేలరీలు ఖర్చవుతాయి. తద్వారా కొవ్వు సులువుగా కరిగిపోయి బరువు అదుపులో ఉంటుంది. బరువు తగ్గే ప్రయత్నంలో ఉన్నవారు స్కిప్పింగ్ చేయటం వల్ల మంచి రిజల్ట్స్ ఇస్తుంది. స్కిప్పింగ్లో మనం జంప్ చేస్తూ ఉంటాం.. ఓ పది నిమిషాల పాటు స్కిప్పింగ్ చేయడం వల్ల ఒక మైలు పరిగెత్తిన దాంతో సమానమని నిపుణులు అంటున్నారు.
ప్రతిరోజూ 15 నిమిషాల పాటు స్కిప్పింగ్ చేయడం ద్వారా రక్త ప్రసరణ మెరుగుపడుతుంది. దీంతో గుండె ఆరోగ్యంగా ఉంటుంది. హృదయ సంబంధ సమస్యలు రాకుండా కాపాడుకోవచ్చు. స్కిప్పింగ్ మెదడుపై అనుకూల ప్రభావాన్ని చూపుతుంది..మనం జాగ్రత్తగా జంప్ చేసేందుకు మెదడు సంకేతాలను పంపిస్తుంది. ఈ శ్రద్ధ మెదడు పనితీరును మెరుగుపరచడంలో సహాయపడుతుంది.
రోజూ 15 నిమిషాల పాటు స్కిప్పింగ్ చేయడం వల్ల ఎముకలు బలంగా, దృఢంగా మారతాయి. తద్వారా ఆస్టియోపోరోసిస్ వంటి సమస్యలు రాకుండా కాపాడుకోవచ్చు. కండరాల బలంస్కిప్పింగ్ చేయడం వల్ల కాళ్లు, చేతి కండరాలతో పాటు పొత్తి కడుపు కండరాలు బలంగా మారతాయి. ఫిట్గా కనిపిస్తాయి. బాడీ ఫిట్గా కనిపిస్తుంది.
రోజూ కాసేపు స్కిప్పింగ్ చేయడం ద్వారా బాడీ బ్యాలెన్స్ పెరుగుతుంది. నడిచే సమయంలో బాడీ స్థిరంగా ఉంటుంది. శరీరం తుల్లడం వంటి సమస్యలు ఉండవు. స్టామినారోజూ 15 నిమిషాలు స్కిప్పింగ్ చేయడం వల్ల స్టామినా రెట్టింపు అవుతుంది. తద్వారా శారీరక పనులు చేసే సామర్థ్యం పెరుగుతుంది. ఫిట్నెస్ రెట్టింపుగా అనిపిస్తుంది.
స్కిప్పింగ్ చేయడం వల్ల ఎండార్ఫిన్ హార్మోన్ రిలీజ్ అవుతుంది. ఇది ఒత్తిడి, ఆందోళన వంటి సమస్యలు నివారిస్తుంది. తద్వారా మంచి మూడ్ లభిస్తుంది. స్కిప్పింగ్ చేయడం వల్ల ఏకాగ్రత పెరుగుతుంది. రోప్ ఎగరేస్తూ మెదడుకు పనిచెప్పడం వల్ల ఫోకస్ కూడా పెంచుకోవచ్చు. తద్వారా మెదడు చురుగ్గా పనిచేస్తుంది.