మూన్సూన్ హంగామా.. హైదరాబాద్లో వర్షాకాలంలో మిస్ అవ్వకూడని ప్రదేశాలివే!
జూన్ జూలై నెలలో నైరుతి రుతుపవనాలు ఆకాశాన్ని చుట్టి వేస్తాయి. అంతే కాకుండా వాతావరణం తేమగా, చాలా చల్లగా ఉంటుంది. అయితే ఈ సమయంలో చాలా మంది టూర్ వెళ్లడానికి ప్లాన్స్ చేసుకుంటారు. అయితే ఎక్కడికో దూరం వెళ్లడం కంటే, వర్షాకాలంలో హైదరాబాద్లో తప్పక చూడాల్సిన కొన్ని ప్రదేశాలు ఉన్నాయంట. అవి ఏవో ఇప్పుడు మనం చూసేద్దాం.
రుతుపవనాలు హైదరాబాద్ చుట్టుపక్కల ప్రదేశాలను పూర్తిగామార్చి వేస్తాయి. ఈ సమయంలో ఇక్కడి కొన్ని ప్రదేశాలు చూడటానికి చాలా అందంగా ఉండటమే కాకుండా మానసిక ఆనందాన్ని కూడా కలిగిస్తాయి. కాగా, అసలు హైదరాబాద్లో వర్షాకాలం సమయంలో తప్పక చూడాల్సిన అందమైన ప్రదేశాల్లో కుంతల జలపాతం ముందుంటుంది. ఇది ఆదిలాబాద్ జిల్లాలో ఉంది. ఇక్కడ ప్రకృతి, అందమైన జలపాతం ప్రతి ఒక్కరినీ ఆకట్టుకుంటుంది.
అనంతగిరి కొండలు : హైదరాబాద్కు సుమారు 80 కిలోమీటర్ల దూరంలో ఉండే, అనంతగిరి కొండలు, పర్యాటకులను ఎంతగానో ఆకట్టుకుంటాయి. చాలా మంది వెళ్లే ఫేమస్ ప్లేస్లో ఇది ముందుంటుంది. ఇక ఈ మూన్ సూన్ సమయంలో ఇక్కడి వాతావరణం చాలా అద్భుతంగా ఉంటుంది. పచ్చదనం, పొగమంచు, అందమైన చెట్లతో చాలా బాగుంటుంది. పర్యాటకులకు చాలా బెస్ట్ ప్లేస్ ఇది.
మల్లేల తీర్థ: అందమైన నల్లమల అడవుల్లో ఉండే ఈ మల్లేల తీర్థం. వర్షాకాలంలో తప్పక చూడాల్సిన ప్రదేశాల్లో ఒకటి. అందమైన అడవిలో, పచ్చటి చెట్ల మధ్య రాతి కొండల మీద నుంచి పాల రాతి దారాలా వచ్చే నీరు, అందైన పర్వత జలాలు ప్రతి ఒక్కరినీ ఎంతగానో ఆకట్టుకుంటాయి. మూన్ సూన్లో పర్యాటకులు తప్పక చూడాల్సిన ప్రదేశం ఇది.
నాగార్జున సాగార్ : వర్షాకాలంలో తప్పకుండా నాగార్జున సాగర్ చూడాల్సిందే. ఈ అద్భుతమైన ఆనకట్ట ప్రతి ఒక్కరినీ ఆకట్టుకుంటుంది. స్పిల్వే గేట్లు అద్భుతమైన దృశ్యాలు చాలా అద్భుతంగా ఉంటాయి.
బోగతా జలపాతం : తెలంగాణ నయగారంగా పేరు సంపాదించుకున్న బోగతా జలపాతం గురించి , అక్కడి అందాల గురించి ఎంత చెప్పినా తక్కువే. ములుగు జిల్లాలో దట్టమైన అడవుల మధ్య ఉండే ఈ జలపాతం చాలా అద్భుతంగా ఉంటుంది. ఇక్కడి ప్రశాంతమైన వాతావరణం, పచ్చని ప్రకృతి పర్యాటకులను ఎంతగానో ఆకట్టుకుంటుంది.