ఇన్నాళ్లు తెలీక మిస్ చేశారేమో.. దీన్ని ఒక్కసారి ట్రై చేస్తే.. ఊడిన జుట్టు ఉరుక్కుంటూ రావాల్సిందే
ఈ రోజుల్లో చాలా మంది ఎదుర్కొంటున్న ప్రధాన సమస్యల్లో జుట్టు రాలడం కూడా ఒకటి. ఈ సమస్యను దూరం చేసుకునేందుకు చాలా మంది ఖరీదైన షాంపూలు, కెమికల్ ట్రీట్మెంట్లు ట్రై చేసి ఉంటారు. కానీ దాని వల్ల ఎలాంటి ప్రయోజనకం లేకపోగా డబ్బులు కూడా లాస్ అయి ఉంటారు. అలాంటి వారి కోసమే.. రూపాయి ఖర్చు లేకుండా ఇంట్లోనే ఈ సమస్యకు ఈజీగా ఎలా చెక్ పెట్టాలో ఇప్పుడు మేం చెప్పబోతున్నాం. అదేంటో ఇక్కడ తెలుసుకోండి.
మీరు జుట్టురాలడం, చుండ్రు, స్కాల్ఫ్తో బాధపడుతుంటే.. ఈ సమస్యలను దూరం చేసేందుకు వేపాకు చాలా బాగా ఉపయోగపడుతుంది. వేపాకులో ఉండే యాంటీ ఫంగల్, యాంటీ బ్యాక్టీరియల్ గుణాలు తలపై వచ్చే ఇన్ఫెక్షన్లను అడ్డుకుంటాయి. చుండ్రు రావడానికి కారణమయ్యే 'మాలసీసియా' అనే ఫంగస్ను తగ్గించి జుట్టును రక్షిస్తుంది.
అలాగే దీనిలోని ఉంటే యాంటీ ఆక్సిడెంట్లు తలలో రక్తప్రసరణను మెరుగుపరిచి, జుట్టు కుదుళ్లను దృఢంగా చేస్తాయి. వేపాకులో ఉండే అజాడిరాక్టిన్ తలలోని దురదను, పేల సమస్యను తగ్గిస్తుంది.కాబట్టి క్రమం తప్పకుండా మీరు ఈ వేపాకును ఉపయోగించడం ద్వారా జుట్టు సమస్యను తగ్గించవచ్చు. వీటిని ఇంట్లోనే ఎలా ఉపయోగించాలో ఇప్పుడు చూద్దాం.
వేపాకు నీటితో తలస్నానం: ఇందుకోసం ఒక పాత్రలో నీరు తీసుకుని, అందులో ఒక గుప్పెడు వేపాకులు వేసి బాగా మరిగించండి. నీటి రంగు లేత ఆకుపచ్చగా మారేంత వరకు మరిగించిన తర్వాత, ఆ నీటిని చల్లార్చండి. ఇప్పుడు షాంపూతో తలస్నానం చేసిన తర్వాత, చివరగా ఈ వేపాకు నీటితో తలను బాగా కడగాలి. ఇది తల దురదను తగ్గించి, జుట్టుకు మంచి మెరుపును ఇస్తుంది.
వేపాకు - పెరుగు హెయిర్ ప్యాక్ : ఒక గుప్పెడు తాజా వేపాకులను తీసుకుని, కొద్దిగా నీరు పోసి మెత్తని పేస్ట్లా నూరుకోండి. ఈ పేస్ట్లో రెండు టేబుల్ స్పూన్ల గడ్డ పెరుగు వేసి బాగా కలపండి. ఈ ప్యాక్ను తల చర్మానికి, జుట్టుకు బాగా పట్టించాలి. 20-30 నిమిషాల తర్వాత సాధారణ నీటితో లేదా మైల్డ్ షాంపూతో తలస్నానం చేయవచ్చు. వారానికి ఒకసారి ఇలా చేయడం వల్ల చుండ్రు పూర్తిగా తగ్గిపోతుంది.
వేపాకు - నల్ల జీలకర్ర నూనె: స్వచ్ఛమైన కొబ్బరినూనెను వేడి చేసి, అందులో ఒక గుప్పెడు వేపాకులు, కొద్దిగా నల్ల జీలకర్ర వేసి బాగా మరిగించండి.ఈ నూనె చల్లారిన తర్వాత ఒక సీసాలో భద్రపరుచుకోండి. రోజూ తలస్నానం చేయడానికి అరగంట ముందు ఈ నూనెను తలకు పట్టించి బాగా మసాజ్ చేసుకోండి. ఇది జుట్టు రాలడాన్ని తగ్గించి, కొత్త జుట్టు పెరిగేలా చేస్తుంది. అలాగే చుండ్రును తగ్గించడానికి కూడా ఈ నూనె ఎంతో మేలు చేస్తుంది.( Note: పైన పేర్కొన్న అంశాలు ఇంటర్నెట్, నివేదికల ఆధారంగా అందించబడినవి.. వీటిని tv9 దృవీకరించడం లేదు.)