Watermelon : మీరు కొన్ని పుచ్చకాయ మంచిదేనా.. ఈ చిన్న ట్రిక్తో క్షణాల్లో తెలుసుకోండి!
How to choose watermelon: సమ్మర్లో చాలా మంది తినేందుకు ఇష్టపడే పళ్లు ఒకటి మామిడి, మరో పుచ్చకాయ. ఇవి టేస్ట్తో పాటు ఆరోగ్యానికి కూడా ఎంతో ప్రయోజనకరంగా ఉంటాయి. ఇక పుచ్చకాయ అయితే సమ్మర్లో మన బాడీని హైడ్రెడ్గా ఉంచడానికి ఎంతగానో సహాయపడుతుంది. ఇందులో 90 శాతం నీరు ఉండడం వల్ల ఇది మన శరీరాన్ని చల్లగా ఉంచుతుంది. అయితే మంచి తాజా పుచ్చకాయను ఎలా ఎంచుకోవాలని చాలా మందికి తెలియదు. కొన్ని సార్లు కొని ఇంటికి తెచ్చాక చూస్తే అది పాడైపోయి ఉంటుంది. కాబట్టి తాజాగా మంచి పుచ్చకాయను ఎలా గుర్తించాలి, పాడపోయిన పుచ్చకాయను ఎలా గుర్తించాలో ఇప్పుడు తెలుసుకుందాం.
సమ్మర్ వచ్చేసింది. బయట ఎండలు మండిపోతున్నాయి. ఈ వేసవి తాపానికి చల్లని పుచ్చకాయ తినాలని చాలా మంది అనుకుంటారు. కానీ, ప్రస్తుతం మార్కెట్లో దొరికే పుచ్చకాయలు ఎంతవరకు సురక్షితమైనవి? అనే ప్రశ్న చాలా మందిలో తలెత్తుతోంది. వాటి రంగును, తీపిని పెంచడానికి రసాయనాలు కలుపుతున్నారన్న వార్తలు జనాల్లో భయాందోళనకు గురిచేస్తున్నాయి. ఈ క్రమంలో కొనేముందు ఏది కల్తీ, ఏది సహజమైన పుచ్చకాయ అని తెలుసుకోవడం చాలా ముఖ్యం.
కల్తీ పుచ్చకాయను గుర్తించడం ఎలా?: పుచ్చకాయ ఎర్రగా కనిపించడానికి తరచుగా ఎరిత్రోసిన్ లేదా రెడ్-బి అనే రసాయన రంగును ఉపయోగిస్తారు. కాబట్టి మీరు కొన్న పుచ్చకాయలో రంగులు వాడారా లేదా అన్నది తెలుసుకునేందుకు కాయను రెండు ముక్కలుగా కోయండి. ఒక చిన్న తెల్లటి పత్తి ముక్కను తీసుకుని, ఎర్రగా ఉన్న గుజ్జుపై మెల్లగా రుద్దండి. పత్తి తెల్లగానే ఉంటే అది సహజంగా పండిన పండు అని ఆర్థం. ఒకవేళ పత్తి ఎర్రగా మారితే, దానికి కృత్రిమ రంగులు అద్దారని అర్థం. ఇలాంటి పండ్లను తినడం ఆరోగ్యానికి ప్రమాదకరం.
Watermelon Test (1)
మంచి పుచ్చకాయను ఎలా గుర్తించాలి: మార్కెట్లో పుచ్చకాయ కొనేటప్పుడు ఈ నాలుగు విషయాలను గమనించండి. పుచ్చకాయ దాని పరిమాణం కంటే ఎక్కువ బరువుగా అనిపించాలి. అప్పుడే అది జ్యుసీగా ఉందని అర్థం. పండుపై వేళ్లతో తట్టినప్పుడు లోపల ఖాళీగా ఉన్నట్లు డబ్ డబ్ అనే లోతైన శబ్దం రావాలి.
Watermelon Test (5)