Best SUV’s under 15 lakhs: రూ. 15లక్షల లోపు టాప్ ఎస్యూవీలు ఇవే.. బెస్ట్ ఆప్షన్స్.. మీరూ ఓ లుక్కేయండి..
కరోనా సంక్షోభం తర్వాత కార్ల వినియోగం ప్రపంచ వ్యాప్తంగా పెరిగింది. అందరూ ఓ సొంత కారు ఉండాలని భావిస్తున్నారు. అందుకే కష్టమైనా, భారమైనా, ఈఎంఐలు పెట్టైనా సరే ఓ కారు కొనుగోలు చేస్తున్నారు. అది కూడా చిన్న కార్లు కొనడానికి ఇష్టపడటం లేదు. ఎస్యూవీ(స్పోర్ట్స్ యుటిలిటీ వెహికిల్)లను కొనుగోలు చేసేందుకు మొగ్గుచూపుతున్నారు. ఇదే ట్రెండ్ మన భారత దేశంలో కూడా కొనసాగుతోంది. అందుకు తగ్గట్టుగానే అన్ని కంపెనీలు వినియోగదారులకు ఆకర్షించేలా సరికొత్త ఫీచర్లతో కార్లను ఆవిష్కరిస్తున్నాయి. ముఖ్యంగా ఎస్యూవీ సెగ్మెంట్ పై ఆటో కంపెనీలు దృష్టి పెట్టి కొత్త మోడళ్లను ఆవిష్కరిస్తున్నాయి. సాధారణంగా ఈ ఎస్యూవీల ధర రూ. 10 లక్షల నుంచి మొదలవుతుంది. మీరు కూడా ఎస్యూవీ కొనుగోలు చేసే ఆలోచనలో ఉన్నారా? అది కూడా మీడియం బడ్జెట్ లో తీసుకోవాలని చూస్తున్నారా? అయితే మీరు రూ. 10 లక్షల నుంచి రూ. 15 లక్షలలోపు ధరలో అందుబాటులో ఉన్న బెస్ట్ ఎస్యూవీ మోడళ్లను మీకు పరిచయం చేస్తున్నాం. ఓ లుక్కేయండి..
Kia Seltos: కియా మోటార్స్ నుంచి బెస్ట్ సెల్లింగ్ మోడల్గా సెల్టోస్ ఉంది. ఇది మిడ్ సైజ్ ఎస్యూవీ.. హ్యుందాయ్ క్రేటాకు గట్టి పోటీనిస్తోంది. దాదాపు అన్ని కొత్త ఫీచర్స్ ఇందులో వస్తున్నాయి. ఇక కియా సెల్టోస్ ఫేస్లిఫ్ట్ వెర్షెన్ త్వరలోనే ఇండియాలోకి అడుగుపెట్టనుంది. సెల్టోస్ ప్రారంభ ఎక్స్యూవీ ధర రూ. 10.69లక్షలు.
Skoda Kushaq:స్కోడా కుషాక్కు మంచి డిమాండ్ కనిపిస్తోంది. ఇందులో 1.0 లీటర్ పెట్రోల్, 1.5 లీటర్ పెట్రోల్ ఇంజిన్ వేరియంట్లు ఉన్నాయి. స్కోడా కుషాక్ ప్రారంభ ఎక్స్షోరూం ధర రూ. 11.59లక్షలు.
Suzuki Grand Vitara:మారుతీ సుజుకీ నుంచి వచ్చిన తొలి మిడ్ సైజ్ ఎస్యూవీ మోడల్ ఈ గ్రాండ్ విటారా. టయోటాతో కలిసి దీనిని అభివృద్ధి చేసింది మారుతీ సుజుకీ. ఫలితంగా స్ట్రాంగ్ హైబ్రీడ్ మోడల్లోని ఇంజిన్.. టయోటాకు చెందినది. ఇక ఈ మారుతీ సుజుకీ గ్రాండ్ విటారా ప్రారంభ ఎక్స్షోరూం ధర రూ. 10.45లక్షలుగా ఉంది. ఇక స్ట్రాంగ్ హైబ్రీడ్ వేరియంట్ ఎక్స్షోరూం ధర రూ. 17.99లక్షలు.
Scorpio Classic:పాత స్కార్పియోను స్కార్పియో క్లాసిక్గా లాంచ్ చేసింది మహీంద్రా అండ్ మహీంద్రా. మెకానికల్ పరంగా పలు మార్పులు చేసింది. ఈ మోడల్ ప్రారంభ ఎక్స్షోరూం ధర రూ. 12.64లక్షలు.
Toyota Urban Cruiser Hyrider:మారుతీ సుజుకీతో కలిసి ఈ అర్బన్ క్రూయిజర్ హైరైడర్ను డెవెలప్ చేసింది టయోటా. ఇందులో మిడ్- హైబ్రీడ్, స్ట్రాండ్ హైబ్రీడ్ ఇంజిన్ ఆప్షన్స్ ఉన్నాయి. మిడ్ హైబ్రీడ్ వేరియంట్ ప్రారంభ ఎక్స్షోరూం ధర రూ. 10.48లక్షలు. స్ట్రాంగ్ హైబ్రీడ్ వేరియంట్ ప్రారంభ ఎక్స్షోరూం ధర రూ. 19.49లక్షలు.
Volkswagen Taigun:స్కోడాకు కుషాక్ ఉంటే.. వోక్స్వ్యాగన్కు టైగన్ ఉంది! వోక్స్వ్యాగన్కు బెస్ట్ సెల్లింగ్ మోడల్గా ఈ టైగన్ కొనసాగుతోంది. దీని ప్రారంభ ఎక్స్షోరూం ధర రూ. 11.56లక్షలు. ఇందులో రెండు పెట్రోల్ ఇంజిన్ ఆప్షన్స్ ఉన్నాయి.
Mahindra Thar:న్యూ- జెన్ మహీంద్రా థార్ 2020లో లాంచ్ అయ్యింది. ఇక మహీంద్రా థార్ ఆర్డబ్ల్యూడీ ఇటీవలే మార్కెట్లోకి అడుగుపెట్టింది. దీని ప్రారంభ ఎక్స్షోరూం ధర రూ. 9.99లక్షలుగా ఉంది.
Mahindra Scorpio N:మహీంద్రా స్కార్పియో ఎన్కు విపరీతమైన డిమాండ్ కనిపిస్తోంది. అందుకు తగ్గట్టుగానే వెయిటింగ్ పీరియడ్ ఎక్కువగా ఉంది. "బిగ్ డాడీ ఆఫ్ ఎస్యూవీస్" అని దీనికి మహీంద్రా అండ్ మహీంద్రా క్యాప్షన్ కూడా ఇచ్చింది. దీని ప్రారంభ ఎక్స్షోరూం ధర రూ. 12.74లక్షలు.
Mahindra Xuv700:ఎక్స్యూవీ500ని ఎక్స్యూవీ700తో రిప్లేస్ చేసింది మహీంద్రా అండ్ మహీంద్రా సంస్థ. ధరను కూడా భారీగా పెంచింది. ఎక్స్యూవీ700 ప్రారంభ ఎక్స్షోరూం ధర రూ. 13.45లక్షలుగా ఉంది.
Hyundai Creta:హ్యుందాయ్ క్రేటా ఎస్యూవీ గురించి ప్రత్యేకంగా చెప్పుకోవాల్సిన అవసరం లేదు. మిడ్- సైజ్ ఎస్యూవీ సెగ్మెంట్లో ఈ మోడల్ దూసుకెళుతోంది. దీని ప్రారంభ ఎక్స్షోరూం ధర రూ. 10.64లక్షలు.
Mg Hector:ఇండియా మార్కెట్లో మారిసన్ గ్యారేజ్ (ఎంజీ)కు బెస్ట్ సెల్లింగ్ మోడల్గా ఉంది ఈ హెక్టార్. దీని ప్రారంభ ఎక్స్షోరూం ధర రూ. 14.73లక్షలు.