చుక్క నూనె, చక్కెర లేకుండా ప్రోటీన్ లడ్డూ.. ఒక్కటి ఇస్తే చాలు కొండంత బలం
ఆరోగ్యమే మహాభాగ్యం అంటారు. మన ఆరోగ్యం ఎంత బాగుంటే, మనం అంత సంపద ఉన్నట్లు. అందుకే చిన్నప్పటి నుంచే ఆరోగ్యం విషయంలో తప్పకుండా తగు జాగ్రత్తలు తీసుకోవాలి అంటారు. అయితే ఈ మధ్య కాలంలో తల్లిదండ్రులు పిల్లల విషయంలో ఎక్కువ కేర్ తీసుకుంటున్నారు. వారికి రోజుకు ఒకటి ఇమ్యూనిటీని ఇచ్చే లడ్డు అందివ్వాలనుకుంటున్నారు.
అయితే పిల్లల ఆరోగ్యం కోసం చుక్క నూనె, చక్కెర లేకుండా,హెల్దీ లడ్డు ఎలా తయారు చేయాలో ఇప్పుడు చూసేద్దాం. దానికి కావాల్సిన పదార్థాలు : బాదం పప్పు, తెల్ల నువ్వులు , బెల్లం తురుము, యాలకులు, నెయ్యి.
తయారీ విధానంలోకి వెళితే.. ముందుగా బాదం పప్పులు తీసుకొని స్టవ్ ఆన్ చేసి, పాన్ పెట్టి నూనె లేకుండానే వాటిని మంచిగా వేయించుకోవాలి. తర్వాత నల్ల నువ్వులు తీసుకొని అదే పాన్లో చిట పట మనేవరకు మంచిగా వేయించి పెట్టుకోవాలి.
ఇప్పుడు వేగిన నువ్వులను, బాదం పప్పులను మిక్సీజార్లో వేసుకొని ఒకసారి బరక బరకగా మిక్సీ పట్టుకోవాలి. తర్వాత ఇందులోనే బెల్లం తురుము కూడా తీసుకొని మిక్సీలో వేసుకొని మంచిగా గ్రైండ్ చేసుకోవాలి.
తర్వాత ఈ మిశ్రమం తీసి పక్కన పెట్టుకోవాలి. ఇప్పుడు స్టవ్ ఆన్ చేసి, అందులో నెయ్యి వేసి, బాదం పలుకులు వేసి వేయించుకొని, అందులోనే యాలకుల పొడి కూడా యాడ్ చేసుకోవాలి. తర్వాత మనం గ్రైండ్ చేసుకున్న మిశ్రమాన్ని అందులో వేసుకోవాలి.
అంతే టేస్టీ టేస్టీ నువ్వుల లడ్డు రెడీ. ఇందులో చక్కెర లేదు, నూనె లేదు. కాబట్టి వీటిని ప్రతి రోజూ ఒకటి తీసుకోవడం వలన ఇది ఆరోగ్యానికి చాలా మేలు చేస్తుంది. పిల్లలకు చాలా మంచిది.