Summer Health Tips: భగభగ మండుతున్న ఎండలు.. వడదెబ్బ నుంచి ఇలా రక్షణ పొందండి..
Health Tips for Summer: వేసవికాలం మొదలైంది. ఎండలు దంచికొడుతున్నాయి. ఏప్రిల్, మే నెలలో జాగ్రత్తగా ఉండాలంటూ నిపుణులు హెచ్చరిస్తున్నారు. ముఖ్యంగా ఈ కాలంలో శరీరాన్ని చల్లబరిచే ఆహారపదార్థాలు ఎక్కువగా తీసుకోవాలి. దీంతో ఆరోగ్యాన్ని కాపాడుకోవడంతోపాటు వేసవి నుంచి రక్షణ పొందవచ్చు. ఆ ఆహార పదార్థాలు ఎంటో ఇప్పుడు తెలుసుకుందాం..
రోజుకు కనీసం 3 నుండి 4 లీటర్ల నీరు తాగాలని వైద్యులు సూచిస్తున్నారు. ముఖ్యంగా వేసవిలో ఎంత ఎక్కువ నీరు తాగితే అంత మంచిదని హైడ్రేట్‌గా ఉండొచ్చని సూచిస్తున్నారు.
వేసవిలో పెరుగు, మజ్జిగను తప్పనిసరిగా తీసుకోవాలి. ఇవి ఆరోగ్యానికి చాలా మంచిది. ఇందులోని పోషకాలు కొన్ని ఆరోగ్య సమస్యలను దూరం చేస్తాయి. కావున ఆహారంలో మజ్జిగను తప్పనిసరిగా ఉండేలా చూసుకోండి.
కొబ్బరి నీరు ఆరోగ్యానికి చాలా మంచిది. దీనిలో శరీర శక్తిని పెంచడంతోపాటు ఆరోగ్యాన్ని కాపాడే గుణాలు చాలా ఉన్నాయి. ఇది రక్త ప్రసరణను సమతుల్యంగా ఉంచడంతోపాటు డీహైడ్రేషన్ నుంచి కాపాడుతుంది
వేసవికాలం పండ్లలో ముఖ్యంగా గుర్తొచ్చేది పుచ్చకాయ. ఎండాకాలంలో పుచ్చకాయ తినడం చాలామంచిది. దీనిలో ఎక్కువ నీరు ఉంటుంది. దీనివల్ల శరీరానికి మేలు జరుగుతుంది.
మిరపకాయ గురించి చాలా మందికి తెలియదు. వేసవిలో మిరపకాయలను ఆహారంతోపాటు తినడం మంచిది. దీనివల్ల బ్లడ్ సర్క్యులేషన్ మెరుగవుతుంది. దీనిలో శరీరాన్ని చల్లబరిచే గుణాలు పుష్కలంగా ఉన్నాయి.
వేసవిలో కొన్ని చిట్కాలను పాటించడం ద్వారా వడదెబ్బ నుంచి సురక్షితంగా ఉండవచ్చని నిపుణులు సూచిస్తున్నారు.